ZAKECI 23 - Kemethajüh (N) (Re-editing) Bible (BSI)

Apvüwa na Ithu Kehiewa

¹ Apvüwa na hi kehiewa; hi mangla hhatu meyacha.

² Ma hi ssi wa aghang kemejjü jawi teli thsü, nu hi ssisen wala ceen kesa atssü kemetha cüceng wi chicü.

³ Ma hi satezü neng cü. Ma jüh khishi ketheng ti ma ilen tsütson pi kemeshon wi chi cü den.

⁴ Keujüla hi kejang kedhu ntsa pvüdhi wa lela hi messi meya, Apvüwa, kepaghenanye no hi ssi den. No anenikehie khhatssü. nu akhhapvü tsüna hi khwe den.

⁵ Ighinyithu tsüdi kemu wina, no ighena kemishu kesü kiden; no hi pi kenyuwakü kijünyi kesü ti ssiya nu deli pi hi nyen cü nu ihyi zügü pongca cü.

⁶ Ntsakhiwa no kemehai nu kaghaliwa tsüna kahang chuli la hi ssi den; nu hi kahang chu njjen pi ijjen sa den.