ZAKECI 20 - Kemethajüh (N) (Re-editing) Bible (BSI)

Khangkeya ghena kekhie

¹ No n-güccü keben wi Apvüwa ya no luneng kechiwa sa! Jacob Nyiza yala no kekhwewa sa!

² Ma Kekinyijjen wina no kekiqa kesun kechiwa sa! nu Zion yikha wina no kiqa kecüwa sa!

³ Ma ya no khukechi tsüdila yacü, nu no ahhansha sakechithu tsüdila nen keyawa sa.

⁴ Ma yala no kenmvu pi no cü, nu no kekuli tsüdila sacen kecüwa sa.

⁵ Isanu no khangkeya wi ithu nonghela jisha nu Anyiza seng, nu no khangkeya kekinyi sa den. Apvüwa yala no ma wi keshikene kechi tsüdi ya kecüwa sa.

⁶ Apvüwa na khangkeya pi ma kessikeya kadimiwa cüden kesa hi khili tsü chüyadha; ma tang kemetha pen wi ben nu ma kekhie luneng chi, nu ma kekhang wina khangkeya kedi pi ma cü den.

⁷ Anyi pahan aghikesa gorugarithu tsü nondi, nu anyi pahan mathu kenondi pi goru miwi chiden, isala ithu tsü Apvüwa ithu Nyiza kekhang ketan nondiden.

⁸ Anyi tsüti kesathu na mathu ccü meshü nu khuliaden, isala ithu tsü shagha nu zükeqhe nganya ben.

⁹ Khangkeya pi kadimiwa cülo, O Apvüwa; ithu na no ci kechi wi ithu luneng chilo.