ZAKECI 15 - Kemethajüh (N) (Re-editing) Bible (BSI)

Anyiza na Kenmvuwa

¹ Apvüwa, thowa na no Kekinyijjen wi duya mehai nu? thowa na kemetha yyishiphon Zion wi kinyiya mehai nu?

² Alentagha wi Anyiza jühkina nu keshüthangla kemeshonwa sa keten nyi, ma jüh tsüna atsentsa nu ntsakhiwa,

³ Nu nyu keyasa jüh nkekhi nyi, ma pvüshangthu tuwi nsazzi nyelela ma jenphonthu tuwi ajüh qanka nkekhi nyi.

⁴ Ma Anyiza na teshi kesathu nan-nontssü nten, isala Apvüwa jühkina ketenthu küden. Ma keshüthangla ma jüh khukechithu tsü saden; tsüwa tsüna sadhu lela.

⁵ Ma kekiyi mangla meyala pala pi nyu nnathsüden, nu kesazzi nkemithu shun thsüle kesalina alaa pi ma cüya nten. Hathu ha sa ketenthu na keshüthangla yazishu benyaden.