ZAKECI 149 - Kemethajüh (N) (Re-editing) Bible (BSI)

Kesengkhwi

¹ Apvüwa senglo! Akhwi ketheü sapi Apvüwa wi chilo; ma nyi tsentsathu na saghu keben wi ma senglo!

² Israel, no Sakechiwa ghena nongya; Zion nyithu, no kadimiwa ghena anongheya!

³ Ghakha nu ma nyan senglo; apha kihhe nu harp khou pi ma senglo!

⁴ Apvüwa na ma nyithu miwi ma kenen ben; ma khangkeya pi satemeni ketenthu nyuwakü cüden.

⁵ Anyiza nyithu ya mathu khangkeya wi anongheya thsülo, nu aghaja thangthang anonghela akhwisa thsülo.

⁶ Mathu Anyiza keseng wi misikhhali jisha thsülo, mathu kwen wi njünnu kedighe sen nu

⁷ mizzatentithu miwi khangya, nu anyithu meten-mesha;

⁸ amighe ssüli pi mathu kadimithu, nu mathu ccülikesathu bhen;

⁹ Anyiza na ma jüh khikechi ti mizzatentithu meten-mesha le kesalina. Hawa ha Anyiza nyithu ghena khangkeyawa tsü. Apvüwa senglo!