ZAKECI 143 - Kemethajüh (N) (Re-editing) Bible (BSI)

Kekiqa ghena Kekhie

¹ Apvüwa, hi kekhie kina cülo! No ketsatan wina hi kekhie kina cülo; nleben tsentsa wina hi luneng chilo!

² Hi nmaghawa, hi pi ghankenan wi nchila; Thola ntuwi kesazzi nkemi nmi.

³ Ighinyiwa hi jügü nu imiwi khangyadha. Ma hi pi atssüzüjjen kejang kesü wi chidha, nu hi kheni shü kesathu ti sadha.

⁴ Tsalina hi teshiale kidenyadha; hi kaghang nkemi kedhu wi dudha.

⁵ Hi atsathang wa kesathu tsü meshen; hi no kulikechithu tsüdila meshen, hi no kekulithu tsüdi meshenshiya.

⁶ Hi kekhie kesa wi la ikwen zanki pi no wi chi; ayyi keqha ti ighamu na nghena dighe bendha.

⁷ Khili hi luneng chilo, Apvüwa! Hi kaghang tsüdi bhataghadha. No ketanla hi wina nkuthila, nyelethu keshüthu yyi wi wa ketenthu jawi tsü hi la tendha.

⁸ No ghaliki keten tsüpi ghanen kaghapen wi la hi kizaki tenlo, kepaghenanye hi kenondi pi no wi chiden. Hi kekhie no wi gigho; hi ya kewa-u alenwa tsü pi hi kizalo.

⁹ Apvüwa, kekhwe ghena hi no wi gho; Ighinyithu wina hi hangsha cülo.

¹⁰ No iNyiza; hi sansi pi no kenen saya thsülo. Ituwi mehai tenlo, nu keyazi wi ilentsütson tenlo.

¹¹ Apvüwa, no njüh khishichi ketheng ti hi hangsha cülo!

¹² No hi kaghali tsü ghena ighinyithu pathi nu hi pasha ketenthu tsüdi yasa cülo, kepaghenanye hi nmaghawa.