ZAKECI 14 - Kemethajüh (N) (Re-editing) Bible (BSI)

Nketsatan Nyithu

¹ Kejüphonthu na hati khi, “Anyiza nmi.” Mathu tsüdila hang ntsatan, nkemehai keqhethi kekuli sadha; anyi thola kemeshon kekuli nyi nmiladha.

² Apvüwa na tangwi ben nu ayyi nyi kesütanla metsa, nu ma kinyi benla nye khe tsü ghang.

³ Isala mathu tsüdila kesazzi wi wadha; anyi tsüdila nkemehai makesütan. Anyi kesütanla kemeshonwa kekuli nyi nmi, kesütanla nmidha.

⁴ “Mathu na nchü kwe?” Apvüwa na keü, “Nkemehai kekuli nyi hathu tsüdi nchüla ten kwe? Mathu na inyithu ji ghanfü nu hang, nu mathu na hi wi kekhie sa nten.”

⁵ Isala mathu keqhethiketen ya metsi, kepaghenanye Anyiza ma jühkina ketenthu ssiden.

⁶ Nkemehai kekuli nyithu na ma satemeni keten kemeshen yasaden, isala Apvüwa na ma khwe ketenwa.

⁷ Zion wina khangkeya ya Israel miwi gho thsüle kesalina hi mang khatila kekhie sa nu! Apvüwa mathu sa pi mehai neng kecü wi Israel nyithu khatila anonghe ten nu!