ZAKECI 136 - Kemethajüh (N) (Re-editing) Bible (BSI)

Nkesengcha Kesakhwi

¹ Nkesengcha sapi Apvüwa cülo, kepaghenanye ma mehai; ma kaghali na anuphan ben den.

² Nkesengcha sapi cenpvüthu kepa tsüdi miwi kedi ntsawa cülo; ma kaghali na anuphan ben den.

³ Nkesengcha sapi Pvüwathu kepa tsüdi miwi kekhang ntsawa cülo; ma kaghali na anuphan ben den.

⁴ Ma ketan amankesa kedi kuli; ma kaghali na anuphan ben den.

⁵ Ma kemetsa wina ma atssanthu sachi; ma kaghali na anuphan ben den;

⁶ Ma atssü kedhu miwi ayyi sachi; ma kaghali na anuphan ben den.

⁷ Ma aghani nu asha sachi; ma kaghali na anuphan ben den;

⁸ aghani ya aghanan wi kekhang sen thsü; ma kaghali na anuphan ben den;

⁹ Asha nu ghotsithu ya aghaja wi kekhang sen thsü; ma kaghali na anuphan ben den.

¹⁰ Ma Ejipt nyithu tsa tssütsethu pathia; ma kaghali na anuphan ben den.

¹¹ Ma Israel nyithu ssinu Ejipt wina shhu; ma kaghali na anuphan ben den.

¹² Ma kwen kezü, ahacü kekhang wina sen nu; ma kaghali na anuphan ben den.

¹³ Ma Kenmie Tssükedone tsü gishü zighea; ma kaghali na anuphan ben den.

¹⁴ Ma ciwi na ma nyithu ssi shhu; ma kaghali na anuphan ben den.

¹⁵ Isala ma Ejipt kadimiwa, nu ma süpahizi ya menyanthi thsüa; ma kaghali na anuphan ben den.

¹⁶ Ma ma nyithu ssinu ayyikeshü pvüdhi wa; ma kaghali na anuphan ben den.

¹⁷ Ma kekhang kadimithu pathia; ma kaghali na anuphan ben den.

¹⁸ Ma anyankemechan kadimithu pathia; ma kaghali na anuphan ben den.

¹⁹ Sihon, Amor nyithu kadimiwa; ma kaghali na anuphan ben den.

²⁰ Nu Og, Bashan kadimiwa; ma kaghali na anuphan ben den.

²¹ Ma mathu yyi pi ma nyithu cüa; ma kaghali na anuphan ben den.

²² Ma tsüthu pi ma maghawa Israel cüa; ma kaghali na anuphan ben den.

²³ Ithu na khang meyala kesa witsü ma ithu mali nsa; ma kaghali na anuphan ben den.

²⁴ Ma ithu ghinyithu wina ithu lisha cü; ma kaghali na anuphan ben den.

²⁵ Ma kedsakejjü pi hang keben kahangli tsüdi cüden; ma kaghali na anuphan ben den.

²⁶ Nkesengcha sapi tang Nyizawa cülo; ma kaghali na anuphan ben den.