ZAKECI 130 - Kemethajüh (N) (Re-editing) Bible (BSI)

Kekiqa ghena kekhie

¹ Hi kaghang nkemi kedhu wina no cichi, Apvüwa .

² Hi kiqai kina chilo, Apvüwa; hi kekiqa ghena ci kechi kina cülo!

³ Keujüla no ithu kesamithu tsüpi zhütheng lethu, thowa na kemeshensa witsü shhuya mehai nu?

⁴ Isala no ithu kesami teshi cü, isanu ithu ya no kemessi wi ngan yathsü.

⁵ Hi Apvüwa kekiqa tsü nmvuthi sala hie, nu hi ma jüh tsü nondi.

⁶ Aghikehiewa na atsankethang nmvuthi sala kehie miwi hi Apvüwa hie den— Aghikehiewa na atsankethang kehie miwi.

⁷ Israel, Apvüwa nondi yalo, kepaghenanye ma kaghali tsüna benki, nu ma keshüthangla hangsha cü mvuthi saden.

⁸ Ma mathu kesami tsüdi wina ma nyithu Israel hangsha cüden.