ZAKECI 129 - Kemethajüh (N) (Re-editing) Bible (BSI)

Israel ghinyithu Keshun wina kekhie

¹ Israel, nghinyithu na no ghanyi keben wina khatila no meten-mesha khe pi ithu kizalo.

² “Hi ghanyi keben wina ighinyithu na hi patena ntsa nu hi meten-mesha, isala mathu na imiwi khang meya.

³ Mathu na ighatsü wi ayisü kedhu sapi alli chhü ketheng ti sa.

⁴ Isala Apvüwa, ketsatanwa na nyu magha kesa wi hi lisha chi cüa.”

⁵ Zion nanmeghü ketenthu ya tsüdila nyu ncha, nu jügü neng pi kesawa sa.

⁶ Mathu na ajjen mili wi aghang shhugho nu npi shigüla jü wa keten ti sa kesawa sa;

⁷ Thola tsü saghu meya nyelela bhenghu sen nu bvü meya.

⁸ Ha pvüdhi kewa nyi kesüla hati kekhi nmi, “Apvüwa na sawegü pi no kecüwa salo! Ithu Apvüwa nyan wina sawegü pi no cüben.”