ZAKECI 128 - Kemethajüh (N) (Re-editing) Bible (BSI)

Apvüwa Jühkenie Kutimen

¹ Apvüwa jüh nie ketenthu na kemihhi ntsa, ma jühkhukechithu wi hang ketenthu.

² No kekuli tsüna nsenthu keyishü pi no cüden; no n-nonghe nu mehai kayi yaden.

³ Nwubvü na njjenku wi kemeshentsse bi kejon bün keben ti saden, nu ntsathu na Oliv ton kaghani ti nmiz vü ben den.

⁴ Anyi Apvüwa jüh nie ketenwa tsüna ntsakhiwa hati kesawegü pvü yaden.

⁵ Apvüwa na Zion wina no sawegü kecüwa salo! No kahang tsathang tsüdi wi Jerusalem mehai kayikeya tsü mukeyawa salo!

⁶ No ya hang nu n-nga ngawathu mu keyawa sa! Kecca ya Israel gweghe ketenwa sa!