ZAKECI 127 - Kemethajüh (N) (Re-editing) Bible (BSI)

Apvüwa kemehai Keseng

¹ Keujüla Apvüwa na ajjen tsü nsa lethu, ajjen kesathu kekuli tsüna ma men nmi; keujüla Apvüwa na anyunuti tsü nkhwe lethu, aghikehiethu na ngan nu kehie tsüna ma men nmi.

² Hangya le kesa ghena aghechen sa mitu na shagha kuli, nu minuten jen wa kesa tsüna ma men nmi. Kepaghenanye Apvüwa na ma ghali ketenthu na jenkeben jüwi na khuchiden.

³ Atsangathu tsüna Apvüwa wi aju kemihhi khukechi kesü; mathu na atsentsa kesawegü.

⁴ Anyi acali keben wina atsathu keben tsüna süpahi kwen wi alakusü ti kesa.

⁵ Anyi alakusü hati kesa kejon kebenwa na kemihhi ntsa. Ma khiela ajühkekaghatenpen wi ma ghinyithu metu keya wi khang meyala sa nben.