ZAKECI 126 - Kemethajüh (N) (Re-editing) Bible (BSI)Khushikecü ghena kekhie 1 Apvüwa na ithu ssinu Jerusalem wi kheneng kegho tsüna aman kesü ti kesa! 2 Ithu na khatila anonghe, nu khatila nongla akhwisa nu! Ciwi mizzatenti kepathu na ithu cüki khi, “Apvüwa na mathu ghena pala kedi kuli chile.” 3 Ntsakhiwa ma ithu ghena pala kedi kulichi; ithu khatila ithu nonghe nu! 4 Apvüwa, ithu ya mehai nengya thsülo, atsankegho na atssü senghola ngen kesa ghakuthu wi chi neng cü keten ti. 5 Qai nu amacü vvü ketenthu yala nonghe, nu wwi senghoya thsülo! 6 Qai nu amacü pvü nu wa ketenthu nonkeghe khwisa sen nu kheneng gho yaden, mathu na alli wwi sen kegho wi. |
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
Bible Society of India