ZAKECI 125 - Kemethajüh (N) (Re-editing) Bible (BSI)

Anyiza nyithu ghena Keyaziwa

¹ Apvüwa nondi ketenthu na Zion yikha ti, khiela zankeju meya, khiela kuli meya.

² Ayikhathu na Jerusalem vü keben ti, Apvüwa la khili nu anuphan wila ma nyithu vü ben den.

³ Gheshighenawa na keshüthangla ketsatanthu yyi miwi kekhang sen nben; keujüla isalethu ketsatanthu na mathu ketanla nkemehai kuli kesa.

⁴ Apvüwa, kemehaithu, nu n-yenkhukechithu nie ketenthu wi kemehaiwa kulilo.

⁵ Isala no gheshighenathu kemeten-kemesha wi nlen teshi kesathu la meten-mesha cülo. Kecca ya Israel ssi ketenwa sa!