ZAKECI 121 - Kemethajüh (N) (Re-editing) Bible (BSI)

Apvüwa na Ithu Kekhwewa

¹ Hi ayikha wi ghang; hi kekiqa khiewa na ghoten nu?

² Hi kekiqa Apvüwa wina ghoden, ma atssan nu ayyi sakechiwa.

³ Ma no ya khuli thsü nben; no kekhwewa tsüna keshüthangla jen nten.

⁴ Israel kekhwewa na khiela kumu nyelela jen nten.

⁵ Apvüwa na nghihie yaben; ma no khweya le nu nkete wi ben.

⁶ Aghanan wi aghani na no thsüh tenaa nben, aghaja wi asha lela nye.

⁷ Kemessi tsüdi wi Apvüwa na no khweya ben; ma no pi kemessi nkemi wi chicü den.

⁸ Khili nu anuphan no kewa nu kegho wi ma no khweya ben.