ZAKECI 120 - Kemethajüh (N) (Re-editing) Bible (BSI)Kekiqa ghena kekhie 1 Hi agükeccü wi keben wi Apvüwa, no cichi: ciwi ma hi luneng chi. 2 Apvüwa, hi hangsha yalo, milikemesa nu kemechuthu wina. 3 Milikemesathu, Anyiza na nthu miwi mangwa sachi ten nu? Ma khati nthu meten-mesha ten nu? 4 Süpahiwa lakusü ketsu, anni mihi hhehi kesa tsüle! 5 Nthu jawi kahang tsüna Meshek nyelela Kedar nyithu jawi hang pi nkemehai tsüti le. 6 Hi kecca nanmeghü ketenthu tsü ssinu sie mtsü hangdha! 7 Hi kecca ghena khithu mathu na aghikesa ghena khi. |
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
Bible Society of India