ZAKECI 114 - Kemethajüh (N) (Re-editing) Bible (BSI)

Shukeyakho Khwi

¹ Khathansha wi Israel nyithu na Ejipt teshi, nu Jacob shicübvüghathu na lensie diyyiwa teshi nu bvü khe,

² Judah na Apvüwa kemetha nyithu saya, Israel tsüna ma ji saya.

³ Kenmie Tssükedone na ghangchi nu bvüa; Jordan Ghaku na lle nwala.

⁴ Ayikhathu na aneni ti ghakha; yyishiphon thu na khaghaneni zza ti kephenki.

⁵ Mangwa na no sapi bvü thsü nu atssükedone? O Jordan na mangkesa na lle nwala nu?

⁶ Nthu ayikhathu, nthu mangkesa na anenithu ti ghakha ben nu? yyishiphon thu, nthu mangkesa na khaghaneni zza ti kephenki ben nu?

⁷ Kedheggülo, ayyi, Apvüwa tuwi tsü, Jacob Nyiza ketenpen wi tsü,

⁸ alonshithu sapi acücengthu sa cü, nu ayyi kiqha tsü pi atssükebvüpen sa cü.