ZAKECI 113 - Kemethajüh (N) (Re-editing) Bible (BSI)

Apvüwa kemehai Keseng

¹ Apvüwa senglo! nthu Apvüwa maghathu, ma nyan senglo!

² Ma nyan seng keyawa salo, khili nu anuphan wila.

³ Nishu na wa nidu kecu wi Apvüwa nyan senglo!

⁴ Apvüwa na mizzatentithu tsüdi miwi kekhang senden; ma nyan kethang tsüna atssan miwi misi.

⁵ Apvüwa ithu Nyiza ti kesa kepa wi thola nmi. ma tang kemisi wi hang den,

⁶ isala ma kukedugho nu tang kebenthu, nu ayyi tsü ghang chiden.

⁷ Ma ayyinikhu wina ketha-uthu zanki chicü; ma haketu nyithu hang kimenni keten wina zanki chicü,

⁸ nu mathu pila kadingathu pvüshangthu saya thsü, ma nyithu kadingathu tsü.

⁹ Ma atsa nkemi wubvüwa jjenku wina ma nyuwakü; nu atsanga pi ma kecü wina ma nonghe yathsü. Apvüwa senglo!