ZAKECI 11 - Kemethajüh (N) (Re-editing) Bible (BSI)

Apvüwa Wi Kenondi Keben

¹ Hi kemessi nkemi wi benya le kesalina Apvüwa nondiden. No khatila kejüphon jüh hi kizala, “Awa ti ayikha wi pighe bvü yilo,

² kepaghenanye anyi nketsatanthu na kejang wina mathu lamugho zanfü pi anyi kemeshonthu gale mitsü yadha.

³ Pala katsüha lela qancazighe kesa sengwi tsü anyi kemehaithu na tsü sa nengya nbendha.”

⁴ Apvüwa na ma kemetha Kekinyijjen wi ben; ma kadipen tangwi ben. Ma apen tsüdi wi anyi tsüdila ghang ben den, nu mathu na mangwa kuliben khe tsüdila chüben.

⁵ Ma kemehai nyile nketsatan nyi lela, ghankenan makesü saden; isala ayen nkenie nyithu tsü ma leben tsüdi pila tsüthu nanmeghüden.

⁶ Ma anni mihi kenmie nu sulfer kemecang kesun pi anyi nketsatanthu miwi chi; ameghü nkemehai sho pila mathu kewheng thsüden.

⁷ Apvüwa na ketsatan nu kemehaiwa kekulithu tsü nmvuden; tsüthu kuli ketenthu na ma keben pen wi hangyaden.