ZAKECI 101 - Kemethajüh (N) (Re-editing) Bible (BSI)

Kadimiwa Jüh Khishikechi

¹ Ikhwi tsüna ajühkeya nu atsentsa cüki, nu hi tsü sapi no wi chiben, O Apvüwa .

² Iyencüki wi kesazzi nmi. No khathansha hi wi gho ten nu? Hi ijjen wi kemetha kahang wi gho den,

³ nu hi khiela nkemehai tsü pvüben meya. Anyiza wina kheneng bvü kesathu kekuli tsü hi ghang mvu nten; hi mathu ssinu mangla kuli nten.

⁴ Hi ntsatan sa nten, nu nkemehaiwa gweghe mangla sa nten.

⁵ Nyu nkemehai cüki khi ketenwa wina hi bvü shhu yaden; hi anyi kapvü nu kinankeli keten tsü ghang pvü benya nten.

⁶ Hi Anyiza wi leben tsentsa sa ketenthu tsü chü, nu mathu ya hi kadipen wi hang thsü den. Atsentsawa senti ketenthu tsü yala hi kekuli sa thsü den.

⁷ Hi kadipen wi milikemesa nyi kesüla hangya nben.

⁸ Hi atsathangla ithu yyi wi gheshighenawa tsü yasa cüden; Apvüwa nyunutiwa wi tsü hi anyi nkemehaithu tsüdila jügü pi bvü thsüaden .