ZAKECI 1 - Kemethajüh (N) (Re-editing) Bible (BSI)

LESÜSHEN KESÜ ( Zak 1—41 ) Atsentsa Nonkeghe

¹ Nkemehai kesansi len wi alen nketsenthu, kesami nyithu kahang yen nkemehai nkenie, nu Anyiza nkekhichijüh kekhithu pen wi ndonki,

² isala Apvüwa yenwa wi mathu nonghe, nu aghaja ghanan tsü meshen, nu si ketenthu na kemihhi ntsa.

³ Mathu na aghaku ghüsa wi achanton shigü, nu matsü wina ma bi bün nu mawa la jü wa nketen ti kesa. Mathu kekuli tsüdi wila mehaicen yaden.

⁴ Isala anyi nkemehaithu tsü tsüti nyela; mathu na ameghü na mosen bvü keten amatsi tile.

⁵ Kesami nyithu tsü Anyiza na mathu meshensa, Anyiza nyithu jawi na mathu khupi cüden.

⁶ Apvüwa na ketsatan nyi lentsütson nu khweden, isala nketsatan nyi lenwa tsüna kededi nu keshü.