SHICÜSI 33 - Kemethajüh (N) (Re-editing) Bible (BSI)

Ejipt wina Moab wi Kewa

¹ Apen hathu ha Israel nyithu na Ejipt teshi nu shhu mathu mizzathu na Mosa nu Aaron manyi ccülikesa kekhu wi kemnanpen kesathu nyan.

² Apvüwa na ahza khukechi kenie wina mathu na wa kemnanpen kesa tsüdi wi apen nyan zhüya.

³ Israel nyithu na amapi wi asha atuwa wi taghamanga ghanan, Shhukeya Kho atuwa sa nu dhitsüwa Ejipt teshia. Apvüwa kekhwe cakhu wina Ejipt nyithu mukeben na mathu na Rames nyunutiwa tsü teshi bvüa,

⁴ tsüna mathu na atsa tssütsethu Apvüwa na pathi kesathu tsüpi chhüvhü keben tsüwi. Hati kesa wi ha Apvüwa na ma Ejipt cenpvüthu miwi khangki keben pi ccüca chi.

⁵ Israel nyithu na Rames teshi nu wa Sukkoth wi kemnanpen sa.

⁶ Mathu kemnanpen tsashiwa na ayyikeshü katen Etham wi sa.

⁷ Mathu ciwi na kheneng sen Baal Zefon na nishuwa Pi Hahiroth wi wa nu Migdol kete wi kemnanpen sa.

⁸ Mathu na Pi Hahiroth teshi nu Kenmie Tssükedone pvüdhi sen Shur yyiketijü non wi du; mathu na ghanan kecheng alentsen wa Mara wi kemnanpen sa.

⁹ Mathu na ciwi na Elim wi wa nu kemnanpen sa, kepaghenanye ciwi atssükebvüpen taghakeni nu palm chanton achentagü na ben.

¹⁰ Mathu na Elim teshi nu wa Suez Yyitssükevü kete wi kemnanpen sa.

¹¹ Mathu na tsashiwa kemnanpen pi Sin yyiketijü wi sa.

¹² Tsaseng wi mathu na Dofka wi kemnanpen sa.

¹³ Nu tsashi Alush wi ben.

¹⁴ Tsashi mathu ghena atssü kejjü nmula kesa pen Refidim witsü ben.

^15-37 Refidim na wa Hor Yikha kecu wi mathu na apen hathu wi kemnanpen sa: Sinai yyiketijü, Kibroth Hattaava (nyelela Kenmvu Shüjjenthu), Hazeroth, Rithma, Rimmon Perez, Libno, Rissa, Kehelatha, Anenikehie Yikha, Harada, Makheloth, Tahath, Tera, Mithka, Hashmono, Moseroth, Bene Jaakan, Haggidgad, Jotbatha, Abrono, Eziongeber, Zin ghansha (tsüna Kadesh), nu Edom yyi katen wi Hor Yikha.

^38-39 Apvüwa na ahza khukechi kenie wina keqhaikediwa Aaron na Hor Yikha wi ki. Ma kahang mapi meza nu nkwe nu kecheng wi Israel nyithu na Ejipt teshi nu jügha mapi wi asha mangawa ghanan atuwa wi ma ciwi shüa.

⁴⁰ Kanaan na acülawa Arad kadimiwa na Israel nyithu na ghoten le kesa zaya.

^41-49 Hor Yikha na wa Moab deshentijü kecu Israel nyithu na apen hathu wi kemnanpen sa: Zalmona, Punon, Oboth, Moab yyi wi Abarim yegu yasa ketheng wi, Dibon Gad, Almon, Diblathaim, Nebo Yikha ketsaki wi Abarim Yikha, Beth Jashimonth nu Akakia yyiketijü manyi jüwi Jerikho wina Jordan Ghaku khhaka hewa Moab deshentijü wi.

Jordan npi Kepvüdhi wi Kecükegwethu

⁵⁰ Jerikho wina Jordan khhaka hewa Moab deshentijü wi Apvüwa na pi Mosa cü.

⁵¹ Israel ghena kecükegwethu: “Nthu na Jordan pvüdhi sen nu Kanaan yyi wi du lethu,

⁵² nthu na ayyi ciwi kahangthu tsüdila jügüshilo. Mathu na alon nu amighe pi tsikezhüthu nu mathu kekinyipenthu sa ketheng tsüdila yasa lo.

⁵³ Mathu yyi nkaya nu ciwi hang wa, kepaghenanye hi tsüpi nthu cüben.

⁵⁴ Ayyi tsüpi amizza nu agei kepapa kesa ja wi akezen wwi nu gishü, agei keti lethu ayyi keti pi cü nu agei kizza lethu kizza pi cülo.

⁵⁵ Isala keujüla nthu na ayyi ciwi kahangthu njügüshi lethu, ciwi ben thsü kesathu na nthu nyon wi aghazü ti nthu pakivvü nu nthu minni wi akusü ti sa nu mathu na nthu shunben.

⁵⁶ Keujüla nthu na mathu njügüshi lethu, hi mathu yasa cüle kiden keben ti hi nthu yasa cüden.”