SHICÜSI 29 - Kemethajüh (N) (Re-editing) Bible (BSI)

Amapi Ketheü Kho Wi Kekinyi

¹ Asha tagüwa wi atsathang atuwa wi tsü nthu na kekinyi ghena gho saghu ben, nu kekuli mangla nsala. Tsü ghanan wi tutuwa khou ben.

² Apvüwa na ma han nen keten mecang pi kekinyiwa tsü sa chi: amesü süpon kaghani kesü, khaghaneni süpon kesü, nu khaghaneni zza amapi kesü ji asüpon tagü, tsüdila nyu ghojünkeya mangla nkemi yaben.

³ Asu pi oliv deli awheng sati kesaghu pi kekinyi tsü sa chi: Amesü süpon wi awheng kilogram kecheng, khaghaneni süpon wi awheng kilogram keni,

⁴ nu khaghaneni zza amapi kesü ji asüpon kesü wi awheng kilogram kesüsü tsüti pi saghu ben.

⁵ Aneni süpon kesü pi kesami ghena kekinyi la salo, hatinu anyithu sakemetha ghena keccüna sa chiben.

⁶ Nthu na sa keten asha ghatsan wi mecang pi kekinyi tsü pi asu pi kekinyi saghu, nu atsathangla mecang pi kekinyi tsüpi asu pi kekinyi nu kisengtssü pi kekinyi saghu kesa miwi hathu ha saben. Atsse pi kekinyi hathu han kedemvu ha Apvüwa na nen den.

Hangshakeya Kho Tsathang wi Kekinyi

⁷ Asha tagüwa tagha ghanan wi kekinyi ghena saghu yalo; mangla ndsajjüla nu kekuli nsa lalo.

⁸ Apvüwa na ma han nen ketenwa mecang pi kekinyi tsü salo: amesü süpon kaghani kesü, khaghaneni süpon kesü, nu khaghaneni zza amapi kesü ji asüpon tagü, tsüdila nyu ghojünkeya mangla nkemi yaben.

⁹ Asu pi kekinyi oliv deli pi awheng sati kesaghu tsü sa chi: amesü süpon wi awheng kilogram kecheng, khaghaneni süpon wi awheng kilogram keni,

¹⁰ nu khaghaneni zza kesü wi awheng kilogram kesüsü tsüti pi saghu ben.

¹¹ Aneni pi anyithu sakemetha ghena keccüna kesachi, nu atsathangla mecang pi kekinyi tsüpi asu pi kekinyi nu kisengtssü pi kekinyi saghu kesa miwi aneni süpon kesü la pi kesami ghena kekinyi saben.

Kelishu Kho wi Kekinyi

¹² Asha tagüwa taghamanga ghanan wi kekinyi ghena gho saghu yalo. Apvüwa kinyikekü wina ghanan tagü akho ha sa nu kekuli mangla nsa lalo.

¹³ Atsathang atuwa wi Apvüwa na ma han nen keten atsse pi kekinyi tsü sa chi: amesü süpon kaghani taghakecheng, khaghaneni süpon keni, nu khaghaneni zza amapi kesü ji asüpon taghamejü, tsüdila nyu ghojünkeya mangla nkemi.

¹⁴ Asu pi kekinyi oliv deli pi awheng sati kesaghu tsü sa chi: amesü süpon kesü wi awheng kilogram kecheng cheng, khaghaneni süpon kesü wi awheng kilogram kenini,

¹⁵ nu khaghaneni zza kesü wi awheng kilogram kesüsü tsüti saghu pi kisengtssü pi kekinyi saghu ben.

¹⁶ Aneni süpon kesü pi kesami ghena kekinyi la saben. Atsathangla mecang pi kekinyi tsüpi asu pi kekinyi nu kisengtssü pi kekinyi pi kekinyi saghu kesa miwi hathu ha salo.

¹⁷ Keni ghanan wi amesü süpon kaghani taghakeni, khaghaneni süpon keni, nu khaghaneni zza amapi kesü ji asüpon taghamejü, tsüdila nyu ghojünkeya mangla nkemi khu chi:

^18-19 Tsüthu tsüdi pi atsathang atuwa wi kekinyi ghena nsenthu keyishüthu tsü wwa pi kekinyi salo.

²⁰ Kecheng ghanan wi amesü süpon kaghani taghakhen, khaghaneni süpon keni, nu khaghaneni zza amapi kesü ji asüpon taghamejü, tsüdila nyu ghojünkeya mangla nkemi khu chi:

^21-22 Tsüthu tsüdi pi atsathang atuwa wi kekinyi ghena nsenthu keyishüthu tsü wwa pi kekinyi salo.

²³ Mejü ghanan wi amesü süpon kaghani tagü, khaghaneni süpon keni, nu khaghaneni zza amapi kesü ji asüpon taghamejü, tsüdila nyu ghojünkeya mangla nkemi khu chi.

^24-25 Tsüthu tsüdi pi atsathang atuwa wi kekinyi ghena nsenthu keyishüthu tsü wwa pi kekinyi salo.

²⁶ Manga ghanan wi amesü süpon kaghani tugu, khaghaneni süpon keni, nu khaghaneni zza amapi kesü ji asüpon taghamejü, tsüdila nyu ghojünkeya mangla nkemi khu chi.

^27-28 Tsüthu tsüdi pi atsathang atuwa wi kekinyi ghena nsenthu keyishüthu tsü wwa pi kekinyi salo.

²⁹ Tugho ghanan wi amesü süpon kaghani tazen, khaghaneni süpon keni, nu khaghaneni zza amapi kesü ji asüpon taghamejü, tsüdila nyu ghojünkeya mangla nkemi khu chi.

^30-31 Tsüthu tsüdi pi atsathang atuwa wi kekinyi ghena nsenthu keyishüthu tsü wwa pi kekinyi salo.

³² Tagü ghanan wi amesü süpon kaghani tagü, khaghaneni süpon keni, nu khaghaneni zza amapi kesü ji asüpon taghamejü, tsüdila nyu ghojünkeya mangla nkemi khu chi.

^33-34 Tsüthu tsüdi pi atsathang atuwa wi kekinyi ghena nsenthu keyishüthu tsü wwa pi kekinyi salo.

³⁵ Tazen ghanan wi kekinyi ghena gho saghu nu kekuli mangla nsa lalo.

³⁶ Mecang pi kekinyi tsüpi Apvüwa na ma han nen ketenwa atsse pi kekinyi sachi: amesü süpon kaghani kesü, khaghaneni süpon kesü, nu khaghaneni zza amapi kesü ji asüpon tagü, tsüdila nyu ghojünkeya mangla nkemi khu chi.

^37-38 Tsüthu tsüdi pi atsathang atuwa wi kekinyi ghena nsenthu keyishüthu tsü wwa pi kekinyi salo.

³⁹ Ayen hathu hana mecang pi kekinyi, asu pi kekinyi, kisengtssü pi kekinyi, nu kecca ghena kekinyi nthu khothu tsüdi sapi Apvüwa wi kechi yenthu ghena. Nthu kekishen ghena kesacen kekinyi nyelela kenen wina kekinyi kesa miwi hathu ha saben.

⁴⁰ Tsalina Mosa na Apvüwa ma kekiza tsüti pi Israel nyithu kiza.