SHICÜSI 26 - Kemethajüh (N) (Re-editing) Bible (BSI)

Nyankezhüghu Keniwa

¹ Adhagha seng wi Apvüwa na Mosa nu Aaron tsawa Eleazar manyi wi khi,

² “Israel nyi zitenti maben wi atheghithu wi npvüzathu amapi nkwe nu tsümiwi keqhaiki aghi wi waya kemehai tsüdi nyanzhüghu yalo.”

^3-4 Mosa nu Eleazar manyi na tsü kinaya nu npvüza tsü shüsha tsüdila cighu chi. Mathu na Jerikho wina Jordan Ghaku khhaka Moab deshentijü witsü saghu. Hathu hana Israel nyithu Ejipt wina keshhughothu:

⁵ Reuben mizza (Reuben na Jakob tsa keqhaiwa): Hanok, Pallu,

⁶ Hazron, nu Karmi geithu.

⁷ Agei hathu na anyi 43,730.

⁸ Pallu shicübvüghathu na Eliab

⁹ nu ma tsathu Nemuel, Dathan, nu Abiram. (Hathu ha azitentiwa na kessikeya Dathan nu Abiram manyi. Manyi na Korah senkeniethu gweghe nu Mosa nu Aaron manyi then nu Apvüwa matangla shun.

¹⁰ Ayyi na qankhhi pi mathu meji, anni na anyi 250 mecangthi kesa wi tsü mathu na Korah nu ma senkeniethu gweghe shü, mathu na anyithu ghena kekitsan kesü sa.

¹¹ Isala Korah tsathu tsü npathi.)

¹² Simeon mizza: Nemuel, Jamin,

¹³ Zera, nu Shaul geithu.

¹⁴ Agei hathu na anyi 22,200.

¹⁵ Gad mizza: Zefon, Haggi, Shuni,

¹⁶ Ozni, Eri,

¹⁷ Arod, nu Areli geithu.

¹⁸ Agei hathu na anyi 40,500.

^19-21 Judah mizza: Shela, Perez, Zera, Hazron, nu Hamuel geithu. (Judah tsa keni Er, nu Onan manyi na Kanaan yyi wi shü.)

²² Agei hathu na anyi 76,500.

²³ Issakhar mizza: Tola, Pua,

²⁴ Jashub, nu Shimro geithu.

²⁵ Agei hathu na anyi 64,300.

²⁶ Zebulun mizza: Sered, Elon, nu Jahleel geithu.

²⁷ Agei hathu na anyi 60,500.

²⁸ Manasseh nu Efraim manyi bawa Josef mizzathu.

²⁹ Manasseh mizza. Manasseh tsa Makhir na Gilead ba, nu agei hathu mathu baqhai na Gilead:

³⁰ Lezer, Helek,

³¹ Asriel, Shekhem,

³² Shemida, nu Hefer,

³³ Hefer tsa Zelofehad na atsa nmi, isala angathu ketan; mathu nyan na Mahla, Noah, Hogla, Milka, nu Tirzah.

³⁴ Agei hathu na anyi 52,700.

³⁵ Efraim mizza: Shuthela, Bekher, nu Tahan,

³⁶ Eran gei baqhai na Shuthela.

³⁷ Agei hathu na anyi 32,500. Agei hathu hana Josef wi keshhugho.

³⁸ Benjamin mizza: Bela, Ashbel, Ahiram,

³⁹ Shefufan, nu Hufam geithu.

⁴⁰ Ard, nu Naaman geithu baqhai na Bela.

⁴¹ Agei hathu na anyi 45,600.

⁴² Dan mizza: Hushim gei,

⁴³ anyi 64,400.

⁴⁴ Asher mizza: Imna, Ishvi, nu Beriya.

⁴⁵ Heber, Milkhiel, geithu baqhai na Beriya.

⁴⁶ Asher na anga nza ma nyan Sera ben.

⁴⁷ Agei hathu na anyi 53,400.

⁴⁸ Naftali mizza: Jahzeel, Guni,

⁴⁹ Jezer, nu Shillem geithu.

⁵⁰ Agei hathu na anyi 45,400.

⁵¹ Israel nyithu tsüdi saghula anyi 601,730.

⁵² Apvüwa na Mosa kiza,

⁵³ “Amizza keti kizza kenie wina ayyi tsüpi mathu gishü cülo.

^54-56 Akezen wwinu ayyi pi tsüdi gishü, nu ayyi keti pi amizza keti cü, nu kizza pi amizza kizza cülo:”

⁵⁷ Levi mizza na Gershon, Kohath, nu Merari geithu na ben.

⁵⁸ Mathu shicübvüghathu na Libni, Hebron, Mahli, Mushi, nu Korah mizzathu saghu. Kohath na Amram ba,

⁵⁹ ma Ejipt wi kepvüghawa Levi nga Jokhebed yaya. Ma atsa keni Aaron nu Mosa, anga kesü Miriam pvügha pi Amram cü.

⁶⁰ Aaron na atsa mejü ben: Nadab, Abihu, Eleazar, nu Ithamar.

⁶¹ Nadab nu Abihu manyi anni nkemetha pi Apvüwa kekinyi wi shü.

⁶² Levi nyi npvüza asha kesü nu tsümiwi keqhaiki anyi 23,000. Mathu pi Israel nyithu nyan nzhüghula makepa sa, kepaghenanye Israel ja wi keben-keyeng pi mathu shei nsa.

⁶³ Agei hathu ha tsüdi Mosa nu Eleazar manyi na Jerikho wina Jordan Ghaku khhaka Moab deshentijü wi Israel nyithu nyanzhüghu wi zhüya.

⁶⁴ Sinai yyikeshü wi Mosa nu Aaron manyi na nyanzhüghu atuwa wi kezhü anyi nyan kesüla nteshi.

⁶⁵ Apvüwa na kekhi mathu tsüdila aghansha wi shüaben, nu Jefunne tsa Kaleb nu Nun tsa Joshua manyi ketan khe mathu tsüdila shü.