ROMNYI 5 - Kemethajüh (N) (Re-editing) Bible (BSI)

Anyiza gweghe Meshonkeya

¹ Khilitsü ithu na kenondi ghena Anyiza gweghe meshon yadha, nu ithu Pvüwa Jisu Khrista wina Anyiza wi kecca benyadha.

² Ma kenondi wina ithu ssigho ithu khili ngan keben Anyiza nanketizen wi ha chi cüdha. Ithu na Anyiza nyankethang wi benden kesa nondi nu kapvüben.

³ Ithu na ketizen kesa wi la kapvüden, kepaghenanye ithu ketizen kesa ghena kethankehi yaden,

⁴ kethankehi tsüna Anyiza na ithu yaya kemehai sengho den, nu ma ithu yakeya tsüna kenondi sengho den.

⁵ Kenondi hana ithu pateshüya nben, kepaghenanye Anyiza na ma ju pi ithu kecü Kemetha Ghamu wina nanketizen pi ithu leben wi meyisha chi cüdha.

⁶ Ithu na kekiqa nmila keben wi Anyiza na matsü sati kesa kessi ketheng wi Khrista na ithu nkemehai ghena shü.

⁷ Anyi kesü na kitsantan nyi ghena shüle kesa na dhu, lela anyi kesü kemehai nyi ghena shüle kesa tsü nmessi laya mehai.

⁸ Isala Anyiza na ma nanketizen pi ithu ccüca chidha, tsüna ithu na kesami sa keben wi Khrista na ithu ghena shü.

⁹ Ma keshü ghena ithu na khili Anyiza gweghe meshon yadha, nu ma ghena ithu Anyiza leben kekha wi hangsha yaben kesa chüti ben.

¹⁰ Ithu na Anyiza ghinyithu sa gho, isala ma Tsawa keshü wina ithu pi ma pvüshangthu sayadha. Ithu na khili Anyiza pvüshangthu sayadha, nu tsü miwi Khrista kahang wi ithu hangshaya metsiben.

¹¹ Isala tsü ketan nye; Anyiza na ithu Pvüwa Jisu Khrista wina ithu pi khili Anyiza pvüshangthu saya thsü kesa ghena anongheben.

Adam Nu Khrista

¹² Anyi kesü wina kesami na ayyi wi gho, nu ma kesami ghena keshü la ghoa. Tsü ghena keshü na ayyi nyi maben miwi wa, kepaghenanye anyi tsüdila samidha.

¹³ Ayenwa npi khukechi wina kesami na ayyi wi ghodha, isala ciwi ayenwa nkemi ghena kesamiwa tsü nsila gho.

¹⁴ Isala Adam tsü wina gho Mosa tsü kecu wi Adam na Anyiza yenkhukechi nkinala kesa kesami tsüti nsa lela keshü na anyi tsüdi miwi khang ghoa. Adam na gho tenle kesawa tsü ghape kechi.

¹⁵ Isala tsü keni tsüna makesü nye, kepaghenanye Anyiza na kekila wina aju khukechiwa tsüna Adam kesami tsüti nye. Anyi kejon meshu kesü kesami ghena shü kesa tsüna ntsakhiwa. Isala Anyiza nanketizen na tsü miwi diki, nu tsüna ma kekila wina aju khukechi tsü pi anyi kesü, Jisu Khrista nanketizen wina anyi kejon miwi gho thsüdha.

¹⁶ Anyiza ju khukechiwa nu anyi kesü kesami manyi jühwi kepapa kesa na ben. Kepaghenanye kesami kesü kesa seng wi ajühkaghakhi nu pi “Kemeshensa” wi chia, isala anyi kejon kesami seng wi nanketizen khukechiwa tsüna gho nu pi “Nsazzi le kesa” wi chia.

¹⁷ Anyi kesü kesami ghena keshü tsüna kekhang sen ghole kesa tsüna ntsakhiwa, anyi tsüwa kesami ghena. Isala anyi kesüwa Jisu Khrista na kekuli sa kechi hana khatila tsü miwi diki nu! Anyiza na nanketizen pongkemeni kesa khukechi tsü yaya nu kekila wina ma gweghe meshonya kesathu na kahang wi Khrista wina kekhang senden.

¹⁸ Tsalina meshu kesü kesami ghena anyi tsüdi meshensa kesa tsü makesü meshu kesü ketsatan kekuli ghena anyi tsüdi lishachi cü nu kahang pi mathu cüden.

¹⁹ Nu meshu kesü ajüh nkekina ghena anyi kejon pi kesami nyi sa thsüa, tsü makesü anyi meshu kesü ajühkeya ghena anyi kejon pi Anyiza gweghe meshonya thsüaben.

²⁰ Kesazzi ji kayi thsüle kesalina Ayenwa tsü pi chi, isala kesami ji kayi kesa wi Anyiza nanketizen na tsü miwi ji kayi shagha.

²¹ Tsalina keshü ghena kesami khang kegho tsüti ketsatan ghena Anyiza nanketizen na kekhang senben, nu Apvüwa Jisu Khrista wina ithu ssi wa anuphan kahang wi chi cüden.