NEHEMIYA 11 - Kemethajüh (N) (Re-editing) Bible (BSI)

Anyi Jerusalem wi Kahangthu

¹ Accülikesathu na Jerusalem wi hang wa, nu anyi kepathu na akezen wwi nu atheghi tagha wi atheghi kesüsü kessi pi wala anyunuti kemethawa Jerusalem wi hang thsü, nu kepathu na wala anyunuti nu anyuti kepathu wi hang.

² Anyithu na anyi thowa na ma Jerusalem wi hangle khishhugho khe tsü seng.

³ Anyunuti nu anyuti kepathu wi Israel nyithu, keqhaikedithu, Levi nyithu, Kekinyijjen wi kekuli nyithu, nu Solomon magha shicübvüghathu na mathu nyuti wi mathu keben sen nu hang. Hathu ha Judah diyyi Jerusalem wi kahang anyi kemechanthu nyankezhü:

⁴ Judah mizza wi anyithu: Zekhariya tsa Uzziya tsawa Athaliya. Ma bamyithu kepa na Amariya, Shefatiya, nu Mahalalel, Judah tsa Perez shicübvüghathu.

⁵ Kolhoze tsa Baruk tsawa Maaseiya. Ma bamyithu kepa na Hasaiya, Adaiya, Joiarib, nu Zekhariya, Judah tsa Shela shicübvüghathu.

⁶ Perez shicübvüghathu wi anyi kemechan Jerusalem wi kahangthu na 468.

⁷ Benjamin mizza wi anyithu: Joed tsa Meshullam tsawa Sallu. Ma bamyithu kepa na Pedaiya, Kolaiya, Maaseiya, Ithiel, nu Jeshaiya.

⁸ Gabbai nu Sallai manyi na Sallu shili ghatsan ntsa. Benjamin nyi tsüdi saghu la 928 na Jerusalem wi hang.

⁹ Zikhri tsa Joel na mathu ccülisa, nu Hassenuya tsa Judah na anyunutiwa wi kedi keniwa sa.

¹⁰ Keqhaikedithu: Joiarib tsa Jedaiya, nu Jakhin.

¹¹ Meshullam tsa Hilkiya tsawa Seraiya. Ma bamyithu kepa na Zadok, Meraioth, nu Keqhaikedi ntsawa Ahitub.

¹² Agei hawi tsüdi saghula anyi 822 na Kekinyijjen wi kekuli sa. Pelaliya tsa Jeroham tsawa Adaiya. Ma bamyithu kepa na Amzi, Zekhariya, Pashhur, nu Malkhijah.

¹³ Agei hawi atheghi ccülikesathu tsüdi saghula anyi 242. Ahzai tsa Azarel tsawa Amashsai. Ma bamyithu kepa na Meshillemolth nu Immer.

¹⁴ Agei hawi süpahithu kemechan anyi 128 ben. Mathu ccülikesawa na atheghi kemechan wi anyi kesü ma nyan Zabdiel.

¹⁵ Levi nyithu: Azrikam tsa Hasshub tsawa Shemaiya. Ma bamyithu kepa na Hashabiya nu Bunni.

¹⁶ Shabbethai nu Jozabad manyi na Kekinyijjen na ameiwa kekuli Levi nyi kemechan keni.

¹⁷ Asaf shicübvügha kesü Zabdi tsa Mika tsawa Mattaiya. Ma Kekinyijjen wi nkesengcha kekhie khwikesa wi aliwa sa. Bakbukiya na Mattaniya kekiqawa. Jeduthun shicübvügha kesü na Galal tsa Shammuya tsawa Abda.

¹⁸ Levi nyithu na anyunuti kemethawa Jerusalem wi kahang tsüdi saghu la 284.

¹⁹ Kekinyijjen ghikehiethu: Akkub, Talmon, nu manyi shilithu tsüdi saghula 172.

²⁰ Israel nyi kepathu, keqhaikedithu, nu Levi nyithu na Judah nyunuti nu anyuti kepathu wi mathu keben sen nu hang.

²¹ Kekinyijjen wi kekuli nyithu na Jerusalem nyunuti pahanwa Ofel wi hang nu Ziha nu Gishpa keni chakhu wi kekuli sa.

²² Jerusalem wi kahang Levi nyithu miwi kekulithu kaghangwa na Hashabiya tsa Bani tsawa Uzzi. Ma bamyithu kepa na Mattaniya nu Mika, nu ma Kekinyijjen wi akhwikesa pi dhenchi ketheng gei Asaf gei wina shhugho.

²³ Ciwi kadi yenthu wi ageithu na khati nu kedumelila ghanan kaghapen Kekinyijjen wi akhwikesa wi aliwa sa ben khe khitheng.

²⁴ Judah mizza wi Zera gei wi Meshezabel tsa Pethahiya na Israel nyi mithon sala Peresia nyi jühkekaghatenpen wi ben.

Anyunuti nu Anyuti Kepathu wi Anyithu

²⁵ Anyi kejonla mathu lli kete wi anyunutithu wi hang. Judah mizza nyithu na Kiriath Arba, Dibon, Jekabseel, nu anyunuti hathu kete anyuthu wi hang.

²⁶ Mathu na Jeshua, Molada, Bethpelet,

²⁷ nu Hazarshual, nyunutithu, nu Beersheba nu tsü kevü anyuthu wi la hang.

²⁸ Mathu na Ziklag nyunuti, Mekona nu tsü nyuthu,

²⁹ Enrimmon, Zorfa, Jarmuth,

³⁰ Adullam, nu anyuti hathu kete anyuthu wi hang. Mathu na Lakhiya nu akete allithu wi, nu Azekah nu tsü nyuthu wi hang. Tsüna Judah nyithu na ayyi Beersheba acülawa nu Hinnom Yyiketijü aghawa jüwi tsü hang.

³¹ Benjamin mizza nyithu na aghawa Geba wina wala Mikhmash, Ai, Bethel nu tsü kete anyuthu,

³² Anathoth, Nob, Ananiya,

³³ Hazor, Ramah, Gittaim,

³⁴ Hadid, Zeboim, Neballat,

³⁵ Lod, nu Ono, nu Kepachünyi Yyiketijü hathu wi hang.

³⁶ Levi nyithu akhang pahan Judah yyi wi kahangthu tsüna Benjamin nyithu ssinu hanglo dhenchia.