JOSHUA 19 - Kemethajüh (N) (Re-editing) Bible (BSI)

Ayyi pi Simeon Mizza kecü

¹ Ayyi pi kecü keniwa na Simeon mizza theghithu ghena sa. Mathu yyi na wa pi Judah mizza cü kesa tsü kecu.

² Tsüna Beersheba, Sheba, Moladah,

³ Hazar Shual, Balah, Ezem,

⁴ Eltolad, Bethul, Homah,

⁵ Ziklag, Beth Markaboth, Hazar Susa,

⁶ Beth Lebaoth, nu Sharuhem saghuben: anyunuti taghakecheng pi tsüthu kevü wi anyutithu saghu.

⁷ Ciwi hathu la ben; Ain, Rimmon, Ether, nu Ashan: anyunuti mejü pi tsüthu kevü wi anyutithu saghu.

⁸ Ha na anyunuti hathu kevü wi anyutithu tsüdi saghu wala acülawa Baalath Beer (nyelela Ramah) kecu. Ayyi ha na Simeon mizza theghithu na pi mathu ji saya.

⁹ Ayyi pi Judah kecü na nsenthu keyishü miwi diki kesalina ciwi ayyi pahan pi Simeon mizza cüa.

Ayyi pi Zebulun Mizza kecü

¹⁰ Ayyi pi kecü kechengwa na Zebulun mizza theghithu ghena sa. Mathu ayyi mukeya na wa Saghid kecu.

¹¹ Aggü na ciwi na sasen niduwa Mareal wi wa Dabbesheth nu Jokneam nishuwa aghaku tsü kidhenpen.

¹² Saghid na pahanwa aggü na nishuwa sasen wa Khisloth Tabor, Daberath wi wa nu Jafia wi shu.

¹³ Tsüna nishuwa na sasen Gath Hefer nu Ethkazin wi wa nu sheneng sen Rimmon wi kewa len Neah kejentan wi wa.

¹⁴ Aghawa ggü na Hannathon kejentanwa wa Iftahel Yyiketijü wi kenten saben.

¹⁵ Tsüna Kattath, Nahalal, Shimron, Idalah, nu Bethlehem saghuben: anyunuti taghakeni pi tsüthu kevü wi anyutithu saghu.

¹⁶ Ayyi hewi anyunutithu nu anyutithu hathu ha Zebulun mizza theghithu na pi mathu ji saya.

Ayyi pi Issakhar Mizza kecü

¹⁷ Ayyi pi kecü mejüwa na Issakhar mizza theghithu ghena sa.

¹⁸ Mathu yyi na Jezreel, Khesulloth, Shunem,

¹⁹ Hafaraim, Shion, Anaharath,

²⁰ Rabbit, Kishion, Ebez,

²¹ Remeth, Engannim, Enhaddah, nu Bethpazzez saghu.

²² Aggü na Tabor, Shahazuma, nu Beth Shemesh kidhen nu Jordan nten. Tsüna anyunuti tagha nu tugho nu tsüthu kevü wi anyutithu saghuben.

²³ Ayyi hewi anyunutithu nu anyutithu hathu ha Issakhar mizza theghithu na pi mathu ji saya.

Ayyi pi Asher Mizza kecü

²⁴ Ayyi pi kecü mangawa na Asher mizza theghithu ghena sa.

²⁵ Mathu yyi na Helkath, Hali, Beden, Akhshaf,

²⁶ Allam Melekh, Amad, nu Meshal saghu. Niduwa na wa Karmel nu Shieor Libnah kidhenben.

²⁷ Nishuwa ggü na Bethdagon wi wa Zebulun nu aghawa Bethemek nu Neiel kewa len wi Iftahel Yyiketijü cuben. Tsüna wa aghawa Kabul,

²⁸ Ebron, Rehob, Hammon, Kanah, nu Sidon cuben.

²⁹ Aggü na kheneng Ramah wi wa akhweti sapi vüketheng Tur nyunuti cuben; tsüna kheneng Hosah wi wa Mediterranean Tssükedone nten saben. Tsüna Mahalab, Akhzib,

³⁰ Ummah, Afek, nu Rehob saghu.

³¹ Ayyi hewi anyunutithu nu anyutithu hathu ha Asher mizza theghithu na pi mathu ji saya.

Ayyi pi Naftali Mizza kecü

³² Ayyi pi kecü tughowa na Naftali mizza theghithu ghena sa.

³³ Ma ggü na Helef wina Zaanannim wi ayangton wi wa Adaminekeb nu Jamnia, Lakkum kecu, nu Jordan wi kenten saben.

³⁴ Ciwi aggü na niduwa Aznoth Tabor wi wa Hukkok wina wa acülawa Zebulun cuben, Asher na niduwa nu Jordan na nishuwa.

³⁵ Akhweti sapi vüketheng anyunutithu na Ziddim, Zer, Hammath, Akkath, Khinnereth,

³⁶ Adamah, Ramah, Hazor,

³⁷ Kedesh, Edrei, Enhazor,

³⁸ Yiron, Migdalel, Horem, Bethanat, nu Beth Shemesh; anyunuti tagha nu tugu nu tsüthu kevü wi anyutithu saghu.

³⁹ Ayyi hewi anyunutithu nu anyutithu hathu ha Naftali mizza theghithu na pi mathu ji saya.

Ayyi pi Dan Mizza kecü

⁴⁰ Ayyi pi kecü tagüwa na Dan mizza theghithu ghena sa.

⁴¹ Mathu yyi na Zorah, Eshtoal, Irshemesh,

⁴² Shalbim, Aijalon, Ithla,

⁴³ Elon, Timnah, Ekron,

⁴⁴ Elteke, Gibbethon, Baalath,

⁴⁵ Jehud, Beneberak, Gathrimmon,

⁴⁶ Mejarkon, Rakkon, nu Joppa kevü wi ayyi la saghu.

⁴⁷ Dan nyithu na mathu yyi dedikesa seng wi mathu na Laish wi wa tsü ssikaghashen. Mathu na tsü nyi pathikhi nu tsü yyi nka pi mathu ji saya. Mathu na ciwi benya nu anyunuti Laish nyan tsü kemili pi mathu bamyi nyan Dan cia.

⁴⁸ Ayyi hewi anyunutithu nu anyutithu hathu ha Dan mizza theghithu na pi mathu ji saya.

Ayyi pi Kecü Sakhenwa

⁴⁹ Ayyi pi Israel nyithu gishü cenkesa seng wi mathu na ayyi pi Nun tsawa Joshua cü nu pi ma ji saya thsü.

⁵⁰ Apvüwa na kekhi ti mathu na ma khie keben Efraim yyishiphon diyyiwa wi Timnah Sera anyunutiwa tsü pi ma cüa. Ma anyunutiwa tsü sapfü nu ciwi hang wa.

⁵¹ Keqhaikediwa Eleazar, Nun tsawa Joshua, nu Israel mizzathu wi atheghithu ccülikesathu na Shilo wi Apvüwa ketenpen Nithsüjjen kedulen wi akezen wwi pi Apvüwa kemeshen kina nu ayyi hathu pi gishü. Hatinu mathu na ayyiwa tsü pi gishü cenya.