JOSHUA 15 - Kemethajüh (N) (Re-editing) Bible (BSI)

Ayyi Pi Judah Mizza Kecü

¹ Judah mizza theghithu na ayyi pahan mukeya na hati: Ayyi cülawa na cü Edom kemeggü acüla ntsawa Zin ghansha tsü cuben.

² Acülawa ggü na Keshü Tssükedone cülawa na

³ sasen Akrabbim Pass nu Zin wi wa. Tsüna Kadesh Barnea cülawa na Hezron pvüdhi sen nu Addar wi shu, kheneng Karka kepeghewa

⁴ sasen Azmon, nu Ejipt ggü ghaku tsü niesen Mediterranean Tssükedone wi wa aggü sakhen sa. Tsüna Judah ggü acülawa.

⁵ Nishuwa ggü na Keshü Tssükedone wina shula Jordan na lle dugho keben pen tsü kecu. Aghawa ggü na ciwi na sasen

⁶ Beth Hogla, aghawa Jordan Yyiketijü katen wi wa. Tsaseng wi tsüna mmiwa sasen Bohan Lon witsü shu (Bohan na Reuben tsa kesü),

⁷ Ketizenkesa Yyiketijü wina Debir wi wa, nu aghawa na kheneng sen Gilgal wi Adummin Pass kepeghewa na yyiketijü cülawa wi wa. Tsüti sa sen nu Enshemesh tssükebvüpen wi wa Enrogel wi shu,

⁸ nu Hinnom Yyiketijü pvüdhi sen yyishiphon cülawa Jebus nyithu nyunuti Jerusalem wi wa. Aggü na yyishiphon shoni wina sasen Hinnom Yyiketijü niduwa na Refaim Yyiketijü aghawa kenten wi wa.

⁹ Ciwi na sasen Neftoah tssükebvüpen wi wa nu Efron Yikha kete nyunutithu wi shu. Ciwi na kheneng sen Baala (nyelela Kiriath Jearim) kepeghewa wa,

¹⁰ ciwi tsüna Baala niduwa Edom yyishiphon diyyi kepeghewa tsü vü sen nu Jearim Yikha (nyelela Khesalon) na aghawa na cü Beth Shemesh nu Timnah wi wa.

¹¹ Tsaseng wi aggü na Ekron na aghawa yyishiphon wi shu nu Shikkeron kepeghewa Baala Yikha pvüdhi sen nu Jamnia wi wa. Tsüna wa Mediterranean Tssükedone wi kenten saben,

¹² tsüna niduwa ggü. Aggü hathu non wi Judah mizza theghithu na hangben.

Kaleb na Hebron nu Debir Chakeya

¹³ Apvü wa joshua kekiza ti Judah yyi pahan pi Judah mizza wi Jefunne tsawa Kaleb cüa. Ma Anak bawa Arba ji anyunutiwa Hebron tsü muya.

¹⁴ Kaleb na anyunuti wi Anak shicübvüghathu, Sheshai, Ahiman, nu Talmai geithu tsü jügüshia.

¹⁵ Ma ciwi wa Debir wi kahang nyithu ssikaghashen. (Anyunuti hawa ha pi Kiriath le ci keten.)

¹⁶ Kaleb na khi, “Hi inga Akhsa pi anyi thowa na Kiriath Sefer nkaya khe ma wubvü sa thsüaden.”

¹⁷ Kaleb cünyuwa Kenaz tsa Otnniel na anyunutiwa tsü nkaya, tsalina Kaleb na ma nga Akhsa pi ma wubvü saya thsüa.

¹⁸ Keshanyi tsathang wi Otnniel na ma ya ma ba wi alli kesü khielo khi. Ma gada miwi na cadugho nu Kaleb na ma wi ma mangwa yamvu ben nu khi.

¹⁹ Nzawa na khineng, “No ayyi pi hi kecü tsüna yikha-yaghang ghena; hi atssükebvüpen wi yamvu benle.” Tsalina Kaleb na atssükebvüpen mmiwa nu ssanwa tsüpi ma cüa.

Judah Nyunutithu

²⁰ Ayyi hawa ha Judah mizza theghithu na pi mathu ji sala mukeya.

²¹ Anyunutithu acüla ntsawa kecu na mathu ji, Edom ggü ketsakithu Kabzeel, Eder, Jagur,

²² Kinah, Dimonah, Adadah,

²³ Kedesh, Hazor, Ithnam,

²⁴ Zif, Telem, Bealoth,

²⁵ Hazor Hadatta, Kerioth, Hezron, (nyelela Hazor),

²⁶ Amam, Shema, Moladah,

²⁷ Hazzar, Gaddad, Heshmon, Bethpelet,

²⁸ Hazar Shual, Beersheba, Biziothiya,

²⁹ Baalath, Lim, Ezem,

³⁰ Eltolad, Khesil, Homah,

³¹ Ziklag, Madmannah, Sansannah,

³² Labaoth, Shilhim, Ain, nu Rimmon tsüthu kevü wi anyutithu saghula tsüdila anyunutithu ngwe nu tugu.

³³ Yyishiphon ccü wi anyunutithu na Eshtaol, Zorah, Ashnah,

³⁴ Zanoah, Engannim, Tappuah, Enam,

³⁵ Jarmuth, Adullam, Soko, Azekah,

³⁶ Shagharaim, Adithaim, Gedera, nu Gederothaim: tsüthu kevü wi anyutithu saghula anyunutithu taghamejü.

³⁷ Ciwi hathu ha la ben; Zenan, Hadasha, Migdalgad,

³⁸ Dilean, Mizpah, Joktheel,

³⁹ Lakhish, Bozkath, Eglon,

⁴⁰ Kabbon, Laman, Khitlish,

⁴¹ Gederoth, Bethdagon, Naamah, nu Makkadah: tsüthu kevü wi anyutithu saghula anyunutithu tagha nu tugho.

⁴² Ciwi hathu la ben; Libnah, Ether, Ashan,

⁴³ Iftah, Ashnah, Nezib,

⁴⁴ Keila, Akhzib, nu Mareshah: tsüthu kevü wi anyutithu saghula anyunutithu tugu.

⁴⁵ Ciwi Ekron nu ma nyu nu anyutithu na ben,

⁴⁶ nu Ashdod tsü kevü wi anyunutithu nu anyutithu tsüdi, Ekron wina wa Mediterranean Tssükedone kecu.

⁴⁷ Ciwi na Ashdod, Gaza, anyuti nu anyuthu, wa Ejipt ggü wi aghaku nu Mediterranean Tssükedone ghüsa cuben.

⁴⁸ Ciwi yyishiphon diyyi wi Shamir, Jattir, Soko,

⁴⁹ Dannah, Kiriath Sefer (nyelela Debir),

⁵⁰ Anab, Eshtemoa, Anim,

⁵¹ Goshen, Holon, nu Gilo na ben; anyunutithu taghakhen pi tsüthu kevü wi anyunutithu saghu.

⁵² Ciwi Arab, Dumah, Eshan,

⁵³ Janim, Beth Tappuah, Afekah,

⁵⁴ Humtah, Hebron, nu Zior na ben; anyunutithu tugu pi tsüthu kevü wi anyutithu saghu.

⁵⁵ Ciwi Maon, Karmel, Zif, Juttah,

⁵⁶ Jezreel, Jokdem, Zanoah,

⁵⁷ Kain, Gibeah nu Timnahh na ben; anyunutithu tagha pi tsüthu kevü wi anyunutithu saghu.

⁵⁸ Ciwi Halhul, Bethzur, Gedor,

⁵⁹ Maarath, Bethanot, nu Eltekon na ben; anyunutithu tugho pi tsüthu kevü wi anyutithu saghu.

⁶⁰ Ciwi Kiriath Baal (nyelela Kiriath Jearim) nu Rabbah na ben; anyunutithu keni pi tsüthu kevü wi anyutithu saghu.

⁶¹ Ciwi ayyikeshü wi Beth Araba, Middin, Sekakah,

⁶² Nibshan, Amcü Nyunuti, nu Engedi na ben; anyunutithu tugho pi tsüthu kevü wi anyutithu saghu.

⁶³ Isala Judah nyithu na Jebus nyithu Jerusalem wi hang keben tsü jügüshi meyala. Tsalina Jebus nyithu na khili la ciwi Judah nyi gweghe hangben.