JOSHUA 12 - Kemethajüh (N) (Re-editing) Bible (BSI)

Mosa na Kadimithu Chakeya

¹ Israel nyithu na ayyi Jordan na nishuwa nkaya nu benyadha, tsüna Arnon Yyiketijü wina wa Jordan Yyiketijü nu wa Hermon Yikha kecu. Mathu na kadimi keni chaya.

² Kesü na Amor nyi Heshbon wi kadimi sa kebenwa Sihon. Ma diyyi na Gilead kegishü pahan pi saghu; Aroer (Arnon Yyiketijü katen) nu tsü yyiketijü non wi anyunutiwa wina wa Ammon kemeggü Jabbok Ghaku kecu;

³ ha na Jordan Yyiketijü kesaghu Galilee Ghajü wina wa acülawa Beth Jeshimoth (Keshü Tssükedone na nishuwa) nu Pisga Yikha ccü kepeghewa kecu.

⁴ Mathu na Bashan wi Refaim sakhenwa Og kadimiwa tsü la chaya; ma Ashtaroth nu Edrei wi kadi saben.

⁵ Ma kadiyyi na Hermon Yikha, Saleka, nu Bashan tsüdi wa Geshur nu Maaka, Gilead kegishü pahan, nu Heshbon wi Sihon kadimi yyi kecu.

⁶ Mosa nu Israel nyithu na kadimi ha keni chaya. Apvüwa maghawa Mosa na mathu yyi pi Reuben, Gad mizzathu, nu Manasseh mizza kegishü pahanthu ji saya thsüa.

Joshua Na Kadimithu Chakeya

⁷ Joshua nu Israel nyithu na Jordan na niduwa Lebanon yyiketijü wi Baalgad wina wa acülawa Edom kete Halak yikha kecu wi kadimithu tsüdila chaya. Joshua na ayyi ha pi anuphan ghena amizzathu ji sala mathu jawi gishü cüa.

⁸ Ayyi ha na yyishiphon diyyi, niduwa yyishiphon thu ccü, Jordan Yyiketijü nu tsü yyishiphon thu ccü, nishuwa yyi-kesüphi, nu acülawa diyyi tsüdi saghu. Ha na kheni Hitti, Amor, Kanaan, Periz, Hivi, nu Jebus nyithu yyi sagho.

⁹ Israel nyithu na anyunuti hathu wi kadimithu chaya; Jerikho, Ai (Bethel kete),

¹⁰ Jerusalem, Hebron,

¹¹ Jarmoth, Lakhish,

¹² Eglon, Gezer,

¹³ Debir, Geder,

¹⁴ Homah, Arad,

¹⁵ Libnah, Adullam,

¹⁶ Makkeda, Bethel,

¹⁷ Tappuah, Hefer,

¹⁸ Afek, Lasharon,

¹⁹ Madon, Hazer,

²⁰ Shimron, Meron, Akhshaf,

²¹ Taanak, Megiddo,

²² Kadesh, Jokeam, (Karmel wi),

²³ Dor (atssü katen wi), Goiim (Galilee)

²⁴ nu Tirzahh — tsüdi saghula kadimithu changha nu kesü.