JEREMIYA 45 - Kemethajüh (N) (Re-editing) Bible (BSI)

Anyiza na Baruk wi Khishikechi

¹ Josiya tsa Jehoiakim na Judah kadimi sa keya mapi mejüwa wi Baruk na hi khipi ma kekiza jüh tsü zhüya. Tsaseng wi hi ma kiza,

² Apvüwa Israel Nyiza na khi, “Baruk,

³ no khiben, ‘Hi teshidha! Apvüwa na ahathakina pi igükeccü wwa cüdha. Hi nchala nu ghadhiben, nu hi kecca mangla mu ntendha.!’

⁴ “Isala hi Apvüwa, hi sa ketheng tsü zanghe ben nu hi sheng ketheng tsü pfüshi ben. Hi ayyi maben wila ha saaben.

⁵ No ketanla no ghena kemehai sakeya ghangben kwe? Tsüti nsala. Hi kededi sengho anyi tsüdi miwi chiden, isala no khiewa wa khe no kahang bvü yaden. Hi Apvüwa, hi khidha.”