ISAYA 4 - Kemethajüh (N) (Re-editing) Bible (BSI)

¹ Tsü tsüna kegho wi nza meshu tagü na npvüza kesü ghantenya nu khiiben: “Ikhang ketanla ikhang kedsakejjü nu athsümeni saya mehai, isala ikhang na ghalaqhai le khila kejüghekeya nsale kesalina no ikhang wuba le khi thsülo.”

Jerusalem Sanengya ben

² Apvüwa na ayyi tsüwa wi aghanglani nu achan tsüdi shigü pi di nu mehaiya keten matsü na ghoden. Israel nyi hang keyathu tsüdila ayyi tsüwa na yangdsa ketenthu bünshi keya ghena mathu kenen sala kapvü yaben.

³ Anyiza na hang yalo nu kessi keya Jerusalem wi kebenthu tsüdila pi kemethathu le ciaden.

⁴ Apvüwa na ma kekhang wina mizzatentiwa jühkaghaten nu sametha nu Jerusalem kesazzi nu ciwi ajjü keji ketheng tsü bhu metha ben.

⁵ Tsaseng wi Zion Yikha ciwi saghu kebenthu tsüdi miwi Apvüwa na aghanan wi akulukeshü nu aghaja wi anni keqhe kesun chiden. Anyiza kekhang na anyunutiwa tsü ghong nu khweya ben.

⁶ Ma ma nyankethangwa tsüna aghani kesa wi anyunutiwa kekhwen sapi keyazi pen saya, nu atsankegho nu caghamo kesho wi ken-nie pen sayaden.