ISAYA 12 - Kemethajüh (N) (Re-editing) Bible (BSI)

Kesengkhwi

¹ Anyithu na hati akhwi kesa tsüwa na ghoden, “Hi no sengle, Apvüwa! No imiwi nlebentsu keten, isala khilitsü ileben kagha sacü, nu imiwi nleben ntsu ladha.

² Anyiza na hi hangshawa; hi ma nondi keten khe nmessi nengdha. Apvüwa na kekhang nu kezü pi hi cüden; ma hi hangshawa.

³ Kedighe nyi na atssü kemetha jjüyathu anonghe keten tsüti, Anyiza na mathu hangshakeya wi mathu nonkeghe saaden.”

⁴ Anyithu na hati akhwi kesa tsüwa na ghoden, “Keseng pi Apvüwa cülo! Ma ya nthu kiqa cülo kesa cichilo! Ma kulikechi pi mizzatentithu tsüdi kizalo! Ma khatila di khe pi mathu kizalo!

⁵ Ma kekuli kedi sakechi ghena ma sakilo. Ayyi maben ya ajüh tsü zaya thsülo.

⁶ Zion wi kahangthu tsüdi jisha, nu akhwisa thsülo! Israel Nyiza Kemethawa na di, nu ma ma nyithu jawi hangden,”