HOSEYA 3 - Kemethajüh (N) (Re-editing) Bible (BSI)

Hoseya nu Nza Leben tsentsa nkesawa

¹ Apvüwa na hi wi khi, “Kheneng wa no kaghali pi kinyibvü kesü ma zipvüzawa ssinu keqheza sa kebenwa tsü ccücalo. Israel nyithu na acenpvü kepathu wi wa nu kemeshentsse keqen pi atsikezhüthu cü mvuten lela hi khili kecu mathu ghali keten ti no la ma nghalithu yishü.”

² Tsalina hi rükatssü tagha manga, nu achentha kilogram 150 pi ma shei yale pi cüa.

³ Hi ma wi matsü kesie keqheza menkedsa nyelela shenpfü-nyibvü keqheza kekuli tsü nsala hi hie kebenla-ule kiza; nu hi tsü tsüwi ma hie benla kesa.

⁴ Hati sa nu Israel nyithu na matsü kesiela kadimithu nyelela accülikesathu nsen, ahhanshakesa nyelela alon kemetha kesheng nsa, kedema ghena atsikezhü nyelela atsiketonthu nsenla hang benden.

⁵ Isala Israel nyithu na Apvüwa mathu Nyiza nu David shicübvügha kesü mathu kadimiwa wi kheneng gho keten matsü kesü na ghoden. Isanu mathu na Apvüwa messi nu ma ju khukechi kemehaithu tsü yayaden.