ADECHHÜ 36 - Kemethajüh (N) (Re-editing) Bible (BSI)

Esau Shicübvüghathu

¹ Hathu na Esau shicübvüghathu, pi Edom nyithu lela ciden.

² Esau na Kanaan nzathu ya; Hitti nyiwa Elon nga Ada; Hivi nyiwa Zibeon tsa Anah nga Oholibama;

³ nu Ishmael nga Nebaioth tssüggüwa Basemath.

⁴ Ada na Elifaz pvügha; Basemath na Reuel pvügha;

⁵ nu Oholibama na Jeush, Jalam nu Korah pvügha. Mathu tsüdi Esau tsathu Kanaan yyi wi pvüghakeya.

⁶ Tsaseng wi Esau na ma wubvüthu, ma tsathu, ma ngathu, ma jjen wi keben anyithu, ma sahangthu tsüdi ssiya nu ma Kanaan yyi wi mukeya keben tsüdi khuya nu ma cünyuwa Jakob wina bvü sen nu ayyi kepa wi wa.

⁷ Kepaghenanye Jakob manyi gweghe hang keten yyiwa tsüna manyi ghena zza mtsü; manyi qho asahang ji ntsa ben kesalina gweghe hang meyala.

⁸ Tsalina Esau na wa Edom diyyiwa yyishiphon wi hang wa.

⁹ Hathu ha Edom nyithu baqhaiwa Esau shicüthu:

^10-13 Esau wubvü Ada na atsa kesü Elifaz pvügha cü, nu Elifaz na atsa manga ben: Teman, Omar, Zefo, Gatam, nu Kenaz. Nu awubvü kepawa Timnah wina ma atsa kesü Amalek muya. Esau wubvü Basemath na atsa kesü Reuel pvügha cü, nu Reuel na atsa mejü ben; Nahath, Zerah, Shammah, nu Mizzah.

¹⁴ Esau wubvü Oholibama, Zibeon tsa Anah nga na atsa kecheng pvügha cü: Jeush, Jalam, nu Korah.

¹⁵ Amizza hathu ha Esau wina kegho. Esau tsa keqhaiwa Elifaz na amizza hathu baqhai: Teman, Omar, Zefo, Kenaz,

¹⁶ Korah, Gatam, nu Amalek. Hathu ha tsüdi Esau wubvü Ada shicüthu.

¹⁷ Esau tsa Reuel na amizza hathu baqhai: Nahath, Zerah, Shammah, nu Mizzah. Hathu ha tsüdi Esau wubvü Basemath shicüthu.

¹⁸ Amizza hathu ha Esau wubvü Anah ngawa Oholibama wina kegho: Jeush, Jalam, nu Korah.

¹⁹ Amizza hathu ha tsüdila Esau wina kegho.

Seir Shicübvüghathu

^20-21 Adechhü na Edom yyi wi hang keshagha nyithu na Hori nyiwa Seir shicübvüghathu gishü pi amizza kepapa kesa na hathu ha: Lotan, Shobal, Zibeon, Anah, Dishon, Ezer, nu Dishan.

²² Lotan na Hori nu Heman mizza baqhaiwa. (Lotan tssüggüwa na Timnah.)

²³ Shobal na Alvan, Manath, Ebai, Shefo, nu Onam mizzathu baqhaiwa.

²⁴ Zibeon na atsa keni ben, Aia nu Anah. (Anah hawa ha ma ba na gadathu noncca keten ghansha wi kisa tssükebvüpen bha kechiwa tsü.)

^25-26 Anah na Dishon ba, ma Hemdan, Eshban, Ithran, nu Kheram mizzathu baqhai; Anah na ma nga kesü Oholibama ben.

²⁷ Ezer na Bilhan, Zaavan, nu Akan mizzathu baqhai.

²⁸ Dishan na Uz nu Aram mizzathu baqhai.

^29-30 Hathu ha Edom yyi wi Hori mizzathu: Lotan, Shobal, Zibeon, Anah, Dishon, Ezer, nu Dishan.

Edom Kadimithu

^31-39 Israel nyi jawi kadimi kesüla npi kesa wi hathu ha keseniela Edom yyi wi kekhang sen: Dinhaba wina keghowa Beor tsa Bela Bozrah wina keghowa Zerah tsa Jobab Teman yegu wina keghowa Husham Avith wina keghowa Bedad tsa Hadad (Moab diyyiwa ghi wi ma Midia nyithu miwi khangya.) Masreka wina keghowa Samla Rehoboth Ghaku wina keghowa Shaul Akhbor tsa Baal Hanan Pau wina keghowa Hadad (ma wubvü na Mezahan nga Matred ngawa nga Mehatabel.)

^40-43 Esau na Edom mizza nyi hathu baqhai: Timnah, Alva, Jetheth, Oholibama, Ela, Pinon, Kenaz, Teman, Mibzar, Magdiel, nu Iram. Amizza hathu kesüsü kahang pen ayyiwa tsüpi mathu mizza nyan cia.