1 KHENICÜKI 9 - Kemethajüh (N) (Re-editing) Bible (BSI)

Anyi Kushiyyi wina Kheneng keghothu

¹ Israel nyithu tsüdila mathu theghithu kenie wina anyan zhüya, nu hawa hana Israel Kadimithu Lesüshen wi zhü theng. Judah nyithu na mathu kesamithu ghena kemeten wi kesunshi pi Babilon wi chia.

² Atuwa kheneng anyunutithu wi mathu keben-keyeng bha keghothu na Israel nyithu, keqhaikedithu, Levi nyithu, nu Kekinyijjen wi kekulithu.

³ Judah, Benjamin, Efraim, nu Manasseh mizza wi anyithu na Jerusalem wi wala hang.

^4-6 Ciwi Judah mizza wi atheghithu 690 na Jerusalem wi hang. Judah tsa Perez shicübvüghathu wi Omri tsa Ammihud tsawa Uthai na mathu ccüliwa sa. Ma bamyi kepathu na Imri nu Bani. Judah tsa Shela shicübvüghathu wi ma theghi wi aliwa Asaiya na mathu ccüliwa sa. Judah tsa Zera shicübvüghathu wi Jeuel na mathu ccüliwa sa.

^7-8 Benjamin mizza wi anyi hathu na Jerusalem wi hang: Meshullum tsa Sallu, ma Hassenuya tsawa Hodaviya tsa, Jeroham tsa Ibneiya, Elah na Mikhri tsawa Uzzi tsa Shefatiya tsa Meshullam, ma Ibnijah tsawa Reuel tsa

⁹ Ciwi amizza hawi atheghithu 956 na hangben. Hawi anyi nyan kebenthu tsüdila atheghithu wi aliwathu.

Keqhaikedithu Jerusalem wi Kahang

^10-12 Keqhaikedi hathu na Jerusalem wi hang: Jedaiya, Jehoiarib, nu Jakhin Hilkiya tsa Azariya (Kekinyijjen wi kedi ntsawa), ma bamyithu na Meshullam, Zadok, Meraioth, nu Ahitub Jeroham tsa Adaiya, ma bamyithu na Pashhur nu Malhijah Adiel tsa Maasai, ma bamyithu na Jahzera, Meshullam, Meshillemith, nu Immer

¹³ Keqhaikedithu tsüna atheghithu tsüdi wi aliwathu saghula 1760. Mathu na tsüdi wi sapichüthu sa nu Kekinyijjen wi kekuli sa.

Levi Nyithu Jerusalem wi Kahang

^14-16 Levi nyi hathu na Jerusalem wi hang: Hasshub tsa Shemaiya, ma bamyithu na Azrikam nu Harshabiya, Merari gei wi Bakbakkar, Hersh, nu Galal Mika tsa Mattaniya, ma bamyithu na Zikhri nu Asaf Shemaiya tsa Obadiya, ma bamyithu na Galal nu Jeduthun Elkanah tsawa Asa tsa Berekhiya, na Netofa nyutiwa yyiwi tsü hang keghowa.

Kekinyijjen Ghikehiethu Jerusalem wi Kahang

¹⁷ Kekinyijjen ghikehie hathu na Jerusalem wi hang: Shallum, Akkub, Talmon, nu Ahiman. Shallum na aliwa sa;

¹⁸ Wala tsü tsü kecu wi mathu gei nyithu na Kadimi kaghapeng jenka nishuwa kedulen witsü ben. Kheni mathu na Levi nyithu kemnanpen kaghapeng jenka ghikehiethu sa.

¹⁹ Ebiasaf tsawa Kore tsa Shallum na Kora gei wi ma pvüshangthu gweghe Apvüwa ketenpen Nithsüjjen kedulen ghikehie tsüna ma khhi, tsüna kheni ma bamyithu na Apvüwa kemnanpen kenoncca wi kesa tsüti.

²⁰ Eleazar tsa Fineha — Apvüwa na ma ssi ketenwa sa! — kuti tsüwi tsüthu noncca.

²¹ Meshelemiya tsa Zekhariya la Apvüwa ketenpen Nithsüjjen kedulen wi aghikehie kesü sa.

²² Tsüdi saghula anyi 212 kessi pi kedulen nu kaghapeng jenka ghikehiethu sa thsü. Mathu na mathu hang keten nyu kenie wina mathu nyan zhüya. Hawa ha Kadimi David nu atusenjüh- kechüwa Samuel na mathu bamyithu pi akhhi hathu kepvü pen wi chicü.

²³ Mathu nu mathu shicübvüghathu na Kekinyijjen kaghapeng jenkathu ghihie gho.

²⁴ Ciwi kaghapeng jenka kesüsü na aghawa, acülawa, nishuwa, nu niduwa wiwa pegheben, nu kesüsü wi ghikehie kedi kesü ben.

²⁵ Mathu shilithu na aghikehie hathu kiqa, mathu na anyu wi hang nu mathu kedumelila kuti wi aghanan tagü aghihie.

²⁶ Aghikehie kedithu mejü na Levi nyithu nu kekuli sakhenwa tsüna mathu khhi. Kekinyijjen wi keshondhithu nu ciwi keben pi chikethengthu tsüghena la mathu khhi.

²⁷ Mathu na Kekinyijjen kete wi hang, kepaghenanye tsü ghihie nu aghanen kaghapenla kaghapeng jenka kesha tsüna mathu kuti.

Levi Nyi Kepathu

²⁸ Levi nyi kepathu na kekinyi wi kesen ghena ahyikhuthu tsüna mathu kuti. Mathu na tsüthu kesen tsüdi wila si nan nu khuya nu si nan nu pi theng isaden.

²⁹ Kepathu na tsanqai kemethathu noncca, nu awheng, kisengtssü, oliv deli, hankedemvu, nu cüdemvuthu la noncca.

³⁰ Isala cüdemvuthu kesaghu wi kekuli tsüna keqhaikedithu dulu.

³¹ Kora gei wi Levi nyi kesü Shallum tsa keqhaiwa ma nyan Mattithiya na amesa gü pi kekinyi ghena kekiden tsüna ma dulu.

³² Kor hath gei wi anyithu na Sabbath kaghapenla Kekinyijjen wi amesa kemethawa ghena kekiden tsüna mathu dulu.

³³ Levi nyi theghi pahan na kekinyijjen wi akhwi tsüna mathu dulu. Atheghithu wi aliwathu na kekinyijjen pahan wi hang nu kekuli kepa wi mangla nsa, kepaghenanye mathu na aghaja ghanan kekuli saden.

³⁴ Anyi hawi anyan zhü kethengthu na mathu bamyithu kenie wina Levi nyi theghithu wi aliwathu sa. Mathu na anyi Jerusalem wi kahangthu ccülithu sa.

Kadimi Saul Bamyithu nu Shicübvüghathu

³⁵ Jeiel na Gibeon nyunutiwa tsü sachi nu ciwi hang wa. Ma wubvü nyan na Maaka.

³⁶ Ma tsa keqhaiwa nyan na Abdon, nu ma tsa kepathu na Zur, Kish, Baal, Ner, Nadab,

³⁷ Gedor, Ahio, Zekhariya, nu Mikloth,

³⁸ Shemeya bawa. Mathu shicübvüghathu na Jerusalem wi mathu gei theghithu kete wi hang.

³⁹ Ner na Kish ba, nu Kish na Saul ba. Saul na atsa mejü ben: Jonathan, Malkhishua, Abinadab, nu Eshbaal ba.

⁴⁰ Jonathan nu Mika manyi bawa Meribaal ba.

⁴¹ Mika na atsa mejü ben: Pithon, Melekh, Tarea, nu Ahaz.

⁴² Ahaz na Jara ba, ma atsa kecheng ben: Aleemeth, Azmaveth, nu Zimri. Zimri na Mozah ba.

⁴³ Mozah na Binea ba, Binea na Refaiya ba, Refaiya na Eleasa ba, nu Eleasa na Azel ba.

⁴⁴ Azel na atsa tugho ben: Azrikam, Bokhero, Ishmael, Sheariya, Obadiya, nu Hanan.