1 KHENICÜKI 25 - Kemethajüh (N) (Re-editing) Bible (BSI)

Kekinyijjen wi Akhwikesathu

¹ Kadimi David nu Levi nyi ccülikesathu na Levi gei hathu kessi pi kekinyi kekuli wi aliwathu sa thsü: Asaf, Heman, nu Jeduthun. Mathu na Anyiza ketsijühthu pi kethangchi wi harp nu simbalthu khou pi akhwisa nu tsü gwegheben. Hawa hana anyithu kessi pi kekinyi wi aliwa kesathu nyankezhü nu akhang kesüsü kekuli sakechi tsü kezhü;

² Asaf tsathu mejü Zakkur, Josef, Nethaniya, nu Asharela. Kusi wi kadimiwa na Anyiza ketsijüh tsüpi thangchilo khi khe, mathu na Asaf lenketsütson kenie wina tsüti saden.

³ Jeduthun tsathu tugho — Gedaliya, Zeri, Jeshaiya, Harshabiya, nu Mattithiya ben. Mathu na mathu ba lenketsütson kenie wina harp khou pi gweghe nu Anyiza ketsijüh tsüpi thangchi, nu Apvüwa keseng nu nkesengcha saden.

⁴ Heman tsathu taghamejü— Bukkiya, Mattaniya, Uzziel, Shebuel, Jerimoth, Hananiya, Hanani, Eliatha, Giddalti, Romamti Ezer, Joshbekasha, Mallothi, Hothir, nu Mahazioth.

⁵ Anyiza na ma khishi ketheng ti kekhang pi kadimiwa tusenjüh-kechüwa Heman cüle kesalina atsa taghamejü hathu nu angathu kecheng la pi Heman cü.

⁶ Ma tsathu tsüdila mathu ba lenketsütson kenie wina simbal nu harpthu khou pi Kekinyijjen wi kekinyi kesa wi gweghe ben. Nu Asaf, Jeduthun, nu Heman, mathu na kadimiwa ahza khukechi kekhu wi ben.

⁷ Anyi ngwe nu mejü hathu tsüdila kesachüthu; nu ma Levi nyithu sansi pi akhwikesathu sa. Ciwi anyi tsüdi saghu 288 na ben.

⁸ Mathu na ghanyi le keqhai lela kesachüthu le sategüthu lela, kekulithu pi mathu dhenchile kesalina tsüdila akezen sa.

^9-31 Anyi 288 hathu ha mathu theghi kenie wina gishü pi meshu taghakeni ni pi akhang ngwe nu mejü sa, akhang kesü wi aliwa kesüsü sa. Mathu na hatinu mathu kekuli sa; 1)Asaf theghi wi Josef; 2)Gedaliya; 3)Zakkur; 4)Zeri; 5) Nethaniya; 6) Bukkiya; 7)Asharela; 8)Jeshaiya; 9)Mattaniya; 10)Shimei; 11)Uzziel; 12)Harshabiya; 13)Shebuel; 14)Mattithiya; 15)Jerimoth; 16)Hananiya; 17)Joshbekasha; 18)Hanani; 19)Malothi; 20)Eliatha; 21)Hothir; 22)Giddalti; 23)Mahazioth; 24)Romamti Ezer.