Malaquías 4 - CHUYA QELLQA La Biblia en Quechua de Ayacucho 2012

Diospa hamunan punchawmanta

¹ Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

² Kasuwaqniykunapaqmi ichaqa, inti qespimuchkaq hinaraq kuyakuyniy kancharimunqa, raprankunapim salvacionta apamusunkichik. Qamkunañataqmi kanchanmanta lloqsiq vacapa uñankuna hinaraq kusikuymanta pawaykachankichik.

³ Chay punchawpim mana allin ruwaq runakunata uchpata saruchkaq hina qamkuna sarupankichik. Tayta Diosmi chaynata nin.

⁴ Serviqniy Moisesman Horeb orqopi kamachikuyniykuna qosqaytayá yuyariychik. Chaykunam karqa kama-chikuyniykunawan yachachikuyniy-kuna Israel castakuna kasukunan-kupaq.

⁵ Ñoqa Tayta Diospa manchakuypaq hatun punchawniy manaraq chaya-muchkaptinmi, profeta Eliasta kachamusqaykichik.

⁶ Paymi tayta-mamakunata wawa-churinkuwan allinyanachinqa, mana chayqa ñoqa hamuruspaymi kay pachata pasaypaqta puchukarachisaq, nispa.