Jobwan Sutichasqa Libro 25 - CHUYA QELLQA La Biblia en Quechua de Ayacucho 2012

Runakuna huchayuq kasqanmanta

¹ Súah llaqtayuq Bildadñataqmi nirqa:

² Diosqa hatun atiyniyuqmi, manchakuymantam katkatatachiwanchik; paytaqmi hanaq pachapipas hawkayayta churan.

³ Tropankunapas mana yupay atinam, achkiyninpas llapallan runakunamanmi kancharimun.

⁴ ¿Yaqachu pipas Diospa qayllanpi mana huchayuqpaq hapikunman? ¿Yaqachu warmimanta nacemuq runa chuyapaq hapikunman?

⁵ Paypa qayllanpiqa killapas manam allintaqa achkinqachu, chaskakunapas manam allintaqa kancharinqachu,

⁶ chaykunamantaqa aswanraqmi runaqa uru hinalla, chay uru hinallam runapa churinqa, nispa.