Génesis 36 - CHUYA QELLQA La Biblia en Quechua de Ayacucho 2012

Esaupa mirayninkunamanta

¹ Esaupa mirayninkunam kaykuna, Esaupa huknin sutinmi Edom karqa.

² Esaumi casarakururqa Canaán law Het casta Elonpa churin Adawan hinaspa Hev casta runa Zibeonpa willkan Aná sutiyuq runapa churin Aholibamawanpas,

³ chaynataq Nebaiotpa panin, Ismaelpa churin Basematwanpas.

⁴ Esaupa warmin Adam Elifazta wachakurqa, Basematñataqmi Reuelta wachakurqa.

⁵ Aholibamapas Jeusta, Jaalamta hinaspa Coreytam wachakurqa. Paykunam Esaupa churinkuna karqa, Canaán allpapi naceqkuna.

⁶ Esaumi warminkunata, qari churinkunata, warmi churinkunata hinaspa wasinpi llapallan runankunata, kapuqninkunata, llapallan animalninkunata chaynataq Canaán allpapi armasqan tukuy kapuqninta huñuykuspan wawqen Jacobmanta rakikuspa huklaw allpaman ripukurqa.

⁷ Jacobwan Esauqa llumpay apullañam karqaku, animalsapallaña kasqankuraykum kuska yachayta mana atirqakuchu, yachasqanku allpapas manam hayparqachu.

⁸ Chaymi Esauqa Seir orqopiña yacharqa. Esaupa huknin sutinmi Edom karqa.

⁹ Seir orqopi yachaq Edom runakunapa taytan Esaupa mirayninkunam

¹⁰ kaykuna: Warmin Adapa wawan Elifaz, huknin warmin Basematpa wawan Reuel.

¹¹ Elifazpa churinkunañataqmi karqa Temán, Omar, Zefo, Gatam hinaspa Cenaz.

¹² Elifazpa churiwachan Timnam Amalecta wachakurqa. Paykunam Esaupa warmin Adapa mirayninkuna.

¹³ Reuelpa churinkunañataqmi karqa: Nahat, Zera, Sama hinaspa Miza. Paykunam Esaupa warmin Basematpa mirayninkuna.

¹⁴ Aholibamam wachakurqa Esaupa churin Jeusta, Jaalamta hinaspa Coreyta. Zibeonmi Anapa taytan karqa, Anañataqmi Aholibamapa taytan karqa.

^15-16 Esaupa mirayninkuna ukupi kamachikuqkunam karqa: Temán, Omar, Zefo, Cenaz, Coré, Gatam hinaspa Amalec. Paykunam Elifazpa churin Adapa miraynin Edom allpapi kamachikuqkuna karqaku. Elifazqa Esaupa piwi churinmi karqa.

¹⁷ Esaupa churin Reuelpa mirayninmanta kamachikuqkunañataqmi kaykuna: Nahat, Zera, Sama hinaspa Miza. Paykunam Reuelpa churin Esaupa warmin Basematpa mirayninkuna, Edom allpapi kamachikuqkuna.

¹⁸ Esaupa warmin Aholibamapa wawankunamanta kamachikuqkunañataqmi kaykuna: Jeús, Jaalam hinaspa Coré. Paykunam Aná sutiyuq runapa mirayninkuna, Esaupa warmin Aholibamapa wachakusqan kamachikuqkuna karqaku.

¹⁹ Paykunam Esaupa mirayninmanta kamachikuqkuna karqaku. Esaupa huknin sutinmi Edom karqa.

²⁰ Hor casta Seirpa churinkunam kaykuna: Lotán, Sobal, Zibeón hinaspa Aná. Paykunam chay allpapi yacharqaku.

²¹ Horpa mirayninmanta kamachikuqkunam kaykuna: Disón, Ezer hinaspa Disán. Paykunam Edom allpapi yachaq Seirpa churinkuna karqaku.

²² Lotanpa churinkunam kaykuna: Hori, Hemam, Timnañataqmi Lotanpa panin karqa.

²³ Sobalpa churinkunam kaykuna: Alván, Manahat, Ebal, Sefo hinaspa Onam.

²⁴ Zibeonpa churinkunam kaykuna: Aja, Aná. Kay Anam taytan Zibeonpa asnonkunata michichkaspan chunniqpi pukyu yakukunata tarirurqa.

²⁵ Anapa churinmi karqa Disón, warmi churinñataqmi Aholibama.

²⁶ Disonpa churinkunam karqa Hemdán, Esbán Itrán hinaspa Querán.

²⁷ Ezerpa churinkunañataqmi karqa Bilhán, Zaaván, Acán.

²⁸ Disanpa churinkunañataqmi karqa Uz hinaspa Arán.

²⁹ Hor runakunapa kamachiqninkunam karqa: Lotán, Sobal, Zibeón, Aná,

³⁰ Disón, Ezer hinaspa Disán. Paykunam Hor runakunapa sapakama kamachiqninkuna karqaku, Seir allpapi yachaptinku.

³¹ Israel runakunapa reynin manaraq kachkaptinmi, Edom allpapi paykuna kamachikurqaku.

³² Beorpa churin Belam Edom nacionpi kamachikurqa. Belapa llaqtanqa Dinabam karqa.

³³ Bela wañuruptinmi, paypa rantinpi Bosra llaqtayuq Zerapa churin Jobab kamachikurqa.

³⁴ Jobab wañukuptinmi, paypa rantinpi Temán llaqtayuq Husam kamachikurqa.

³⁵ Husam wañukuptinmi, paypa rantinpi Bedadpa churin Hadad kamachikurqa. Hadadmi Moab pampapi peleaspa Madián runakunata vencerurqa. Hadadpa llaqtanqa Avitmi karqa.

³⁶ Hadad wañukuptinmi, paypa rantinpi Masreca llaqtayuq Samla kamachikurqa.

³⁷ Samla wañukuptinmi, paypa rantinpi Eufrates mayu patanpi Rehobot llaqtayuq Saúl kamachikurqa.

³⁸ Saúl wañukuptinmi, paypa rantinpi Acborpa churin Baal-hanán kamachikurqa.

³⁹ Acborpa churin Baal-hanán wañukuptinmi paypa rantinpi Hadar kamachikurqa. Payqa Pau llaqtayuqmi karqa, warminñataqmi karqa Mehetabel. Mehetabelqa karqa Mezaabpa willkan hinaspa Matredpa churinmi.

⁴⁰ Kaykunam ayllunkuman hina, llaqtankuman hina Esaupa mirayninmanta kamachikuqkuna karqaku: Timna, Alva, Jetet,

⁴¹ Aholibama, Ela, Pinón,

⁴² Cenaz, Temán, Mibzar,

⁴³ Magdiel hinaspa Iram. Paykunam hapikusqanku allpapi kamachikuqkuna karqaku. Esaupa huknin sutinqa Edommi, paymi edomitakunapa taytan karqa.