Génesis 10 - CHUYA QELLQA La Biblia en Quechua de Ayacucho 2012

Noeypa mirayninkunamanta

¹ Kaykunam Noeypa churinkuna: Sem, Cam hinaspa Jafet; sinchi para usyasqan qepantam paykunapa mirayninkunapas nacemurqa.

² Jafetpa churinkunam karqa: Gomer, Magog, Madai, Javán, Tubal, Mesec hinaspa Tiras.

³ Gomerpañataqmi karqa: Askenaz, Rifat hinaspa Togarma.

⁴ Javanpa churinkunam karqa Elisa, Tarsis, Quitim hinaspa Rodanim.

⁵ Jafetpa mirayninkunam ayllunkuman chaynataq rimayninkuman hina lamar qochapa patankunapi llaqtakunata nacionkunata hatarichirqaku.

⁶ Campa churinkunam karqa: Cus, Mizraim, Fut hinaspa Canaán.

⁷ Cuspañataqmi karqa: Seba, Havila, Sabta, Raama hinaspa Sabteca. Raamapa churinkunam karqa Sebawan Dedán.

⁸ Cuspa churinmi karqa: Nimrod, paymi kay pachapi kallpasapa runa karqa.

⁹ Paymi Tayta Diospa qayllanpi purun animalkuna hapiq kallpasapa runa karqa. Chayraykum pipas kallpasapa runamantaqa niqku: Kay qariqa Nimrod hinaraqmi, payqa Tayta Diospa qayllanpi purun animalkuna hapiq kallpasapa qarim karqa, nispanku.

¹⁰ Nimrodmi kamachikuyta qallaykurqa Babel llaqtapi, Erec llaqtapi, Acad llaqtapi hinaspa Calne llaqtapi; chaykunam Sinar lawpi tarikun.

¹¹ Sinar allpamantam Asiria lawman rirqa, hinaspam hatarichirqa Nínive llaqtata, Rehobot llaqtata hinaspa Cala llaqtata.

¹² Hatarichirqataqmi Resén hatun llaqtatapas, chayqa tarikun Nínive llaqtamanta Cala llaqtaman rinapim.

¹³ Mizraimpa churinkunam karqa: Ludim, Anamim, Lehabim, Naftuhim,

¹⁴ Patrusim, Casluhim hinaspa Caftorim. Caftorimpa mirayninkunam filisteokuna karqaku.

¹⁵ Canaanpa piwi churinmi karqa Sidón, qatiqninñataqmi karqa Het.

¹⁶ Canaanpa mirayninkunam karqa jebuseo, amorreo, gergeseo,

¹⁷ heveo, araceo, sineo,

¹⁸ arvadeo, zemareo hinaspa hamateo runakuna. Kaynata miraspankum llapa runa kayman chayman cheqerqaku.

¹⁹ Paykunapa allpanmi karqa Sidonmanta qallaykuspa Gerar lawninta Gaza llaqtakama; Sodoma, Gomorra, Adma hinaspa Seboim lawnintañataqmi Lasa llaqtakama.

²⁰ Paykunam Campa mirayninkuna karqaku, ayllunkuman hina, rimayninkuman hina, llaqtankuman hina chaynallataq allpankuman hina.

²¹ Heberpa mirayninkunapa taytanmi karqa Sem. Payqa karqa Jafetpa mayor wawqenmi.

²² Sempa churinkunam karqa: Elam, Asur, Arfaxad, Lud hinaspa Aram.

²³ Arampañataqmi karqa: Uz, Hul, Geter hinaspa Mas.

²⁴ Arfaxadpa churinmi karqa Sala, Salapañataqmi karqa Heber.

²⁵ Heberpam iskay churinkuna karqa: Pelegwan Joctán. Pelegwanqa suticharqaku, paypa tiemponpi allpata runakuna rakinakusqankuraykum.

²⁶ Joctanpa churinkunam karqa: Almodad, Selef, Hazar-mavet, Jera,

²⁷ Adoram, Uzal, Dicla,

²⁸ Obal, Abimael, Seba,

²⁹ Ofir, Havila hinaspa Jobab. Paykunam Joctanpa churinkuna karqaku.

³⁰ Allpankuñataqmi karqa Mesa lawmanta Sefar lawninta intipa qespimunan lawpi orqokunakama.

³¹ Paykunam Sempa mirayninkuna karqaku, ayllunkuman hina, rimayninkuman hina, llaqtankuman hina chaynallataq allpankuman hina.

³² Paykunam karqa Noeypa churinkunamanta miramuq ayllukuna nacionninkupi mirasqankuman hina. Paykunam sinchi parapa qepanta tukuy hinastinman cheqespanku nacionkunata hatarichirqaku.