Ester 10 - CHUYA QELLQA La Biblia en Quechua de Ayacucho 2012

Mardoqueo hatunchasqa kasqanmanta

¹ Rey Asuerom kamachikurqa tukuy hinastinpi nacionkunapas chaynataq lamar qochapa patanpi kaq llaqtakunapas impuestota paganankupaq.

² Rey Asuero atiyniyuq hinaspa munayniyuq kasqanrayku tukuy ima ruwasqankunapas chaynataq imaynam Mardoqueota hatunchasqanmanta willakuykunapas Media hinaspa Persia nacionkunapi reykunapa vidanmanta willakuq libropim qellqasqa kachkan.

³ Judío Mardoqueoqa llaqtamasinkunapa reqsisqan hinaspa ancha kuyasqanmi karqa; payqa llaqtanpa chaynataq castankunapa allinnintam maskarqa. Atiyniyuq kayninpipas rey Asueropa qatiqllanmi karqa.