Esdras 2 - CHUYA QELLQA La Biblia en Quechua de Ayacucho 2012

Zorobabelwan kutimuqkunamanta

¹ Rey Nabucodonosorpa Babilo-niaman preso apasqankunamanta Jerusalenman, Judá nacionman, sapakama llaqtankuman kutimuqkunam kaykuna.

² Kaykunam Zorobabelwan kuska kutimuqkuna: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum hinaspa Baana. Israel llaqtayuqkunamanta kutimuqkunam kaykuna:

³ Parospa mirayninmantam karqa iskay waranqa pachak qanchis chunka iskayniyuq.

⁴ Sefatiaspa mirayninmantam karqa kimsa pachak qanchis chunka iskayniyuq.

⁵ Arapa mirayninmantam karqa qanchis pachak qanchis chunka pichqayuq.

⁶ Pahat-moabpa, Josueypa hinaspa Joabpa mirayninkunamantam karqa iskay waranqa pusaq pachaknin chunka iskayniyuq.

⁷ Elampa mirayninmantam karqa waranqa iskay pachaknin pichqa chunka tawayuq.

⁸ Zatupa mirayninmantam karqa isqon pachak tawa chunka pichqayuq.

⁹ Zacaipa mirayninmantam karqa qanchis pachak soqta chunka.

¹⁰ Banipa mirayninmantam karqa soqta pachak tawa chunka iskayniyuq.

¹¹ Bebaipa mirayninmantam karqa soqta pachak iskay chunka kimsayuq.

¹² Azgadpa mirayninmantam karqa waranqa iskay pachak iskay chunka iskayniyuq.

¹³ Adonicampa mirayninmantam karqa soqta pachak soqta chunka soqtayuq.

¹⁴ Bigvaipa mirayninmantam karqa iskay waranqa pichqa chunka soqtayuq.

¹⁵ Adinpa mirayninmantam karqa tawa pachak iskay chunka tawayuq.

¹⁶ Ezequiaspa otaq Aterpa mirayninmantam karqa isqon chunka pusaqniyuq.

¹⁷ Bezaipa mirayninmantam karqa kimsa pachak iskay chunka kimsayuq.

¹⁸ Jorapa mirayninmantam karqa pachak chunka iskayniyuq.

¹⁹ Hasumpa mirayninmantam karqa iskay pachak iskay chunka kimsayuq.

²⁰ Gibarpa mirayninmantam karqa isqon chunka pichqayuq.

²¹ Belén llaqtayuqkunamantam karqa pachak iskay chunka kimsayuq.

²² Netofa llaqtayuqkunamantam karqa pichqa chunka soqtayuq.

²³ Anatot llaqtayuqkunamantam karqa pachak iskay chunka pusaqniyuq.

²⁴ Azmavet llaqtayuqkunamantam karqa tawa chunka iskayniyuq.

²⁵ Quiriat-jearim, Cafira hinaspa Beerot llaqtayuqkunamantam karqa qanchis pachak tawa chunka kimsayuq.

²⁶ Ramá hinaspa Geba llaqtayuqkunamantam karqa soqta pachak iskay chunka hukniyuq.

²⁷ Micmas llaqtayuqkunamantam karqa pachak iskay chunka iskayniyuq qarikuna.

²⁸ Bet-el hinaspa Hai llaqtayuqkunamantam karqa iskay pachak iskay chunka kimsayuq.

²⁹ Nebo llaqtayuqkunamantam karqa pichqa chunka iskayniyuq.

³⁰ Magbis llaqtayuqkunamantam karqa pachak pichqa chunka soqtayuq.

³¹ Huknin Elam llaqtayuqkunamantam karqa waranqa iskay pachak pichqa chunka tawayuq.

³² Harim llaqtayuqkunamantam karqa kimsa pachak iskay chunka.

³³ Lod, Hadid hinaspa Ono llaqtayuqkunamanta qanchis pachak iskay chunka pichqayuq.

³⁴ Jericó llaqtayuqkunamantam karqa kimsa pachak tawa chunka pichqayuq.

³⁵ Senaa llaqtayuqkunamantam karqa kimsa waranqa soqta pachaknin kimsa chunka.

³⁶ Josué ayllumanta kaq Jedaiaspa miraynin sacerdotekunamantam karqa isqon pachak qanchis chunka kimsayuq.

³⁷ Sacerdote Imerpa mirayninkunamantam karqa waranqa pichqa chunka iskayniyuq.

³⁸ Sacerdote Pasurpa mirayninkunamantam karqa waranqa iskay pachaknin tawa chunka qanchisniyuq.

³⁹ Sacerdote Harimpa mirayninkunamantam karqa waranqa chunka qanchisniyuq.

⁴⁰ Hodavías ayllumanta kaq Josueypa chaynataq Cadmielpa miraynin levitakunamantam karqa qanchis chunka tawayuq.

⁴¹ Asafpa miraynin takiqkunamantam karqa pachak iskay chunka pusaqniyuq.

⁴² Punkukunawan nanachikuq Salumpa, Aterpa, Talmonpa, Acubpa, Hatitapa hinaspa Sobaipa mirayninkunamantam karqa pachak kimsa chunka isqonniyuq.

⁴³ Templopi servikuqkunamantam karqa: Zihapa mirayninkuna, Hasufapa mirayninkuna, Tabaotpa mirayninkuna,

⁴⁴ Querospa mirayninkuna, Siahapa mirayninkuna, Padonpa mirayninkuna,

⁴⁵ Lebanapa mirayninkuna, Hagabapa mirayninkuna, Acubpa mirayninkuna,

⁴⁶ Hagabpa mirayninkuna, Salmaipa mirayninkuna, Hananpa mirayninkuna,

⁴⁷ Gidelpa mirayninkuna, Gaharpa mirayninkuna, Reaiapa mirayninkuna,

⁴⁸ Rezinpa mirayninkuna, Necodapa mirayninkuna, Gazampa mirayninkuna,

⁴⁹ Uzapa mirayninkuna, Paseahpa mirayninkuna, Besaipa mirayninkuna,

⁵⁰ Asenapa mirayninkuna, Meunimpa mirayninkuna, Nefusimpa mirayninkuna,

⁵¹ Bacbucpa mirayninkuna, Hacufapa mirayninkuna, Harhurpa mirayninkuna.

⁵² Bazlutpa mirayninkuna, Mehidapa mirayninkuna, Harsapa mirayninkuna,

⁵³ Barcospa mirayninkuna, Sisarapa mirayninkuna, Temapa mirayninkuna,

⁵⁴ Neziapa mirayninkuna hinaspa Hatifapa mirayninkuna.

⁵⁵ Salomonpa serviqninkunapa mirayninkunamantam karqa: Sotaipa mirayninkuna, Soferetpa mirayninkuna, Perudapa mirayninkuna,

⁵⁶ Jaalapa mirayninkuna, Darconpa mirayninkuna, Gidelpa mirayninkuna,

⁵⁷ Sefatiaspa mirayninkuna, Hatilpa mirayninkuna, Poqueret-hazebaimpa mirayninkuna hinaspa Amipa mirayninkuna.

⁵⁸ Templopi llapallan servikuqkunamanta hinaspa Salomonpa serviqninkunapa mirayninkunamantam karqaku kimsa pachak isqon chunka iskayniyuq.

⁵⁹ Kaykunam Tel-mela, Tel-harsa, Querub, Addán hinaspa Imer llaqtakunamanta kutimuqkuna, paykunaqa manam allintaqa yachakurqakuchu Israelpa miraynin otaq karu ayllullan kasqantapas. Paykunam karqaku:

⁶⁰ Delaiapa mirayninkuna, Tobiaspa mirayninkuna hinaspa Necodapa mirayninkuna, llapallankum karqaku soqta pachak pichqa chunka iskayniyuq.

⁶¹ Sacerdotekunapa mirayninmanta kutimuqkunam karqaku: Habaiapa mirayninkuna, Cospa mirayninkuna hinaspa Barzilaipa mirayninkuna. Barzilaimi Galaad lawpi kaq Barzilaipa warmi churinwan casarakurqa, chayraykum suegronpa sutinwan sutichakurqa.

⁶² Paykunam ñawpaq taytankunapa sutinta listakunapi maskaspanku mana tarirqakuchu, chaynapim sacerdote kayninkumantapas hurqosqa karqaku.

⁶³ Chayraykum paykunata kamachikuqkuna nirqaku: Amam mikunkichikraqchu Diospaq sapaqchasqa mikuykunataqa, Urimtawan Tumimta choqaspa Tayta Diosta sacerdote tapunankama, nispanku.

⁶⁴ Babiloniamanta llapallan kutimuqkunam karqaku tawa chunka iskayniyuq waranqa kimsa pachak soqta chunka runakuna.

⁶⁵ Criadokunawan criadakunaqa manam yupasqachu karqaku, paykunam karqaku qanchis waranqa kimsa pachak kimsa chunka qanchisniyuq. Paykuna ukupim takiqkuna karqaku iskay pachak qarikuna warmikuna.

⁶⁶ Caballokunam karqa qanchis pachak kimsa chunka soqtayuq; mulakunam karqa iskay pachak tawa chunka pichqayuq;

⁶⁷ camellonkunam karqa tawa pachak kimsa chunka pichqayuq, asnonkunañataqmi karqa soqta waranqa qanchis pachak iskay chunkan.

⁶⁸ Ayllukunapi wakiqnin kamachiqninkunam Jerusalenpi Tayta Diospa templonman chayaruspanku, ofrendankuta qorqaku Diospa templonpaq, chaynapi templota maymi kasqanpi musoqmanta hatarichinankupaq.

⁶⁹ Kapuqninkuman hinam qori-qollqe waqaychaqman qorqaku, tawa pachak pusaq chunka pusaq kilo qorita, iskay waranqa qanchis pachak pichqa chunka kilo qollqeta, sacerdotekunapaqpas pachak pachakunatam qorqaku.

⁷⁰ Llapa sacerdotekunawan levitakuna, wakin llaqta runakuna, takiqkuna, punkukunawan nanachikuqkuna hinaspa templonpi servikuqkunam Jerusalén llaqtapi yacharqaku. Wakin Israel runakunañataqmi sapakama llaqtankupi yacharqaku.