Esdras 10 - CHUYA QELLQA La Biblia en Quechua de Ayacucho 2012

Huklaw nacionniyuq warmikuna qarqosqankumanta

¹ Esdrasmi qonqorakuykuspan waqakuywan huchankuta willakuchkarqa Diospa templonpa ñawpaqninpi, hinachkaptinmi Israelpa mirayninkunamanta kaqkuna, qarikunapas, warmikunapas chaynataq warmakunapas paypa kasqanman huñunakaramurqaku, hinaspam sinchillataña waqakurqaku.

² Chaymi Elampa mirayninmanta kaq Jehielpa churin Secanías rimarispan Esdrasta nirqa: Ñoqaykum huklaw nacionniyuq warmikunawan casarakuruspayku Dios-ninchikpa contranpi huchallikuruniku, chaywanpas Israel runakunaqa atinmankum kay huchamanta lloqsiyta.

³ Chaynaqa, kunanyá Diosninchikman prometekusun kay warmikunatawan wawankunata qarqonapaq. Qampa chaynataq Diosninchikpa kamachikuyninta kasukuq runakunapa niwasqankuman hinam ruwasaqku. Diospa kamachikuynintam kasukusaqku.

⁴ Hatariy, kayqa qampa ruwanaykim, ñoqaykupas yanapasqaykikum, chaynaqa kallpanchakuspayá ruwayman churay, nispa.

⁵ Chaymi Esdrasqa hatarispan sacerdotekunapa kamachiqninkunata, levitakunata hinaspa Israel runakunata jurachirqa nisqankuman hina ruwanankupaq, hinaptinmi llapanku jurarqaku.

⁶ Esdrasmi Diospa templonmanta lloqsispan Eliasibpa churin Johananpa cuartonman chayarurqa, chaypim tukuy tuta mana mikurqachu nitaq yakutapas tomarqachu, preso kasqankumanta kutimuqkunapa huchankunawan llumpay llakisqa kasqanrayku.

⁷ Chaymantam preso kasqankumanta kutimuspa Judá nacionpi hinaspa Jerusalén llaqtapi yachaqkunata kaynata nichimurqaku: “Jerusalenman huñunakamuychik,

⁸ pipas kimsa punchawkama mana hamuqtaqa, tukuy kapuqninkunata qechuspam preso risqankumanta kutimuqkuna ukumanta qarqonqaku, chaynataqa ruwanqaku kamachikuqkunapa hinaspa ancianokunapa nisqanman hinam”, nispa.

⁹ Chaymi kimsa punchawllapi Judá lawmanta Benjamín lawmanta llapa runakuna Jerusalén llaqtaman huñunakaramurqaku, huñunakamurqakuqa isqon kaq killapa iskay chunka punchawninpim. Chay punchawmi llapa runakuna Diospa templonpa plazanpi, chay asuntorayku hinaspa parasqanrayku katkatatastin tiyarqaku.

¹⁰ Hinaptinmi hatarispan paykunata sacerdote Esdras nirqa: Qamkunam huklaw nacionniyuq warmikunawan casarakuruspa hucha-llikurunkichik, kay ruwasqaykichikwanmi Israel runakunapa huchanta yaparqankichik.

¹¹ Chaynaqa, kunanyá huchaykichikkunata ñawpaq taytaykichikkunapa yupaychasqan Tayta Diosman willakuychik, hinaspayá paypa munasqanta ruwaspa Diosta mana reqsiq runakunamantawan huklaw llaqtayuq warmikunamanta rakikuychik, nispa.

¹² Chaymi llapallan huñunasqa runakuna qaparispa nirqaku: ¡Nisqaykiman hinayá ruwasqa kachun!

¹³ Ichaqa achkallañam kachkaniku, hinaspapas paramuchkantaqmi; manam kaypiqa unayqa kaymankuchu. Kay asuntoqa manam iskay-kimsa punchawllapi allicharunapaq hinachu. Kay hucha ruwaqkunaqa achkallañam kachkaniku.

¹⁴ Chaynaqa, rantiykupiyá kamachikuqkunallaña qepachun, llaqtaykupi huklaw nacionniyuq warmikunawan casarakuqkunañataqyá citasqa punchawkunapi kutimuchunku, sapa llaqtapa ancianonkunawan hinaspa kamachikuqkunawan kuska, kay hucharayku Tayta Diospa sinchi piñakuynin ñoqanchikmanta anchunankama, nispanku.

¹⁵ Asaelpa churin Jonatanwan Ticvapa churin Jahaziasllañam manaqa munarqakuchu, paykunamantaqmi sayapakurqa levitakunamanta kaq Mesulamwan Sabetaipas.

¹⁶ Preso risqankumanta kutimuqkunaqa llapallankum chaynata ruwanankupaq allinmi nirqaku. Chaymi sacerdote Esdrasqa sapa ayllupa kamachiqninkunata akllarqa, hinaspanmi chunka kaq killapa qallariynin punchawmanta paykunawan huñunakurqa sapa asuntota sumaqta qawanankupaq.

¹⁷ Chaynapim huklaw nacionniyuq warmikunawan casarakuq qarikuna juzgayta tukurqaku, watapa qallariynin abib killapa punta kaq punchawninpi.

¹⁸ Sacerdotekunapa mirayninkunamanta huklaw nacionniyuq warmikunawan casarakuq qarikunam kaykuna karqaku: Josadacpa churin Josueypa mirayninkunamanta hinaspa ayllunkunamanta Maasías, Eliezer, Jarib hinaspa Gedalías.

¹⁹ Paykunam prometekurqaku warminkuta qarqonankupaq, hinaspam huchankumanta ofrendata huk carnerota ofrecerqaku.

²⁰ Imerpa mirayninkunamanta Hanani-wan Zebadías.

²¹ Harimpa mirayninkunamanta Maasías, Elías, Semaías, Jehiel hinaspa Uzías.

²² Pasurpa mirayninkunamanta Elioe-nai, Maasías, Ismael, Natanael, Jozabad hinaspa Elasa.

²³ Levitakunapa mirayninkunamanta Jozabad, Simei, Kelaía otaq Kelita, Petaías, Judá hinaspa Eliezer.

²⁴ Takiqkunamanta Eliasib; punku waqaychaqkunamanta Salum, Telem hinaspa Uri.

²⁵ Israelpa mirayninkunamanta kaq Pa-rospa mirayninkunamanta Ramía, Jezías, Malquías, Mijamín, Eleazar, Malquías hinaspa Benaía.

²⁶ Elampa mirayninkunamanta Mata-nías, Zacarías, Jehiel, Abdi, Jeremot hinaspa Elías.

²⁷ Zatupa mirayninkunamanta Elioenai, Eliasib, Matanías, Jeremot, Zabad hinaspa Aziza.

²⁸ Bebaipa mirayninkunamanta Joha-nán, Hananías, Zabai hinaspa Atlai.

²⁹ Banipa mirayninkunamanta Mesulam, Maluc, Adaía, Jasub, Seal hinaspa Ramot.

³⁰ Pahat-moabpa mirayninkunamanta Adna, Quelal, Benaía, Maasías, Matanías, Bezaleel, Binúi hinaspa Manasés.

³¹ Harimpa mirayninkunamanta Eliezer, Isaías, Malquías, Semaías, Simeón,

³² Benjamín, Maluc hinaspa Semarías.

³³ Hasumpa mirayninkunamanta Ma-tenai, Matata, Zabad, Elifelet, Jeremai, Manasés hinaspa Simei.

³⁴ Banipa mirayninkunamanta Madai, Amram, Uel,

³⁵ Benaía, Bedías, Quelúhi,

³⁶ Vanías, Meremot, Eliasib,

³⁷ Matanías, Matenai, Jaasai,

³⁸ Bani, Binúi, Simei,

³⁹ Selemías, Natán, Adaía,

⁴⁰ Macnadebai, Sasai, Saraí,

⁴¹ Azareel, Selemías, Semarías,

⁴² Salum, Amarías hinaspa José.

⁴³ Nebopa mirayninkunamanta Jeiel, Matatías, Zabad, Zebina, Jadau, Joel hinaspa Benaía.

⁴⁴ Paykunam huklaw nacionniyuq warmikunawan casarakurusqaku, wakin-paqa churinkupas karqañam.