2~Samuel 10 - CHUYA QELLQA La Biblia en Quechua de Ayacucho 2012

Siriokunatawan amonitakunata Davidpa vencesqanmanta

¹ Chaykunapa qepantam Amón castakunapa reynin wañururqa, hinaptinmi paypa rantinpi churin Hanunña munaychakurqa.

² Chaymi David nirqa: Nahaspa churin Hanuntaqa kuyapayarisaqyá imaynam taytanpas ñoqawan ruwasqanta hina, nispa. Chaymi taytanpa wañukusqanmanta Hanunta consuelananpaq serviqninkunata David kacharqa. Amonpa mirayninkunapa allpanman Davidpa serviqninkuna chayaruptinkum

³ Amonpa kamachiqninkuna reyninku Hanunta nirqaku: ¿Creenkichu taytaykita kuyasqanrayku consuelasunaykipaq serviqninkunata David kachamusqanta? ¿Manachu serviqninkunataqa kachamusuchkanki llaqtata wateqaspa puchukarachinankupaq? nispanku.

⁴ Hinaptinmi runankunata rey Hanún kamachirqa Davidpa serviqninkunata presochanankupaq hinaspa barban-kutapas huklaw waqtallanta siksiruspanku pachankutapas siki patankama kuchurunankupaq. Chaymi reypa kamachisqanman hina ruwaruspanku aviarurqaku.

⁵ Paykuna sinchita penqakusqankuraykum, chayta yacharuspan runankunata David taripachispan kaynata nichimurqa: Jericó llaqtapiyá kaychik barbaykichik wiñamunankama, chayñam kutimunkichik, nispa.

⁶ Amonpa mirayninkunañataqmi Davidpa cheqnisqanta yachakurus-panku, Siria nacionpi Bet-rehob law-manta, Soba lawmanta iskay chunka waranqa soldadokunata pusachimurqaku; chaynataq Maaca nacionpi reytapas waranqa soldadontinta hinaspa Tob lawmanta chunka iskayniyuq waranqa soldadokunatapas.

⁷ Chayta yacharuspanmi Joabta llapallan allinnin qari-qari soldadonkunatawan David kacharqa.

⁸ Amonpa mirayninkunam peleanankupaq lloqsispanku llaqtapa punkunpi tropa-tropa kinrayninpaman churakururqaku. Soba lawmanta Rehob lawmanta Siria nacionniyuq soldadokunam ichaqa Tob lawmanta hinaspa Maaca lawmanta soldadokunapiwan hawa pampapi churakururqaku.

⁹ Joabñataqmi qepanpi hinaspa ñawpaqninpi tropakuna kasqanta qawaykuspan Israelpa allinnin soldadonkunata akllaykuspan Siria nacionniyuq tropakunawan peleananpaq churakururqa.

¹⁰ Wakin tropakunatañataqmi wawqen Abisaiman saqeykurqa Amonpa tropankunawan peleananpaq.

¹¹ Hinaspanmi wawqenta Joab nirqa: Siria tropakuna vencemuwaptinkuqa yanapawaqniymi hamunki. Amonpa tropankuna vencesuptikiñataqmi yana-paqniki hamusaq.

¹² Kallpanchakuyá, Nacionninchikrayku chaynataq Diosnin-chikpa llaqtanrayku peleananchikpaq kallpanchakusunchik. ¡Tayta Diosyá munasqanta ruwachun! nispa.

¹³ Soldadonkunawan Joab atacayta qallaykuptinmi Siria tropakunañataq lluptikurqaku.

¹⁴ Siria tropakunapa lluptis-qanta Amonpa tropankuna qawaykuspan-kum paykunapas Abisaimanta lluptikur-qaku, hinaspam llaqtaman yaykuruspa pakakururqaku. Amonpa tropankuna-wan peleasqanmanta Joab kutiramus-panmi Jerusalenman chayaramurqa.

¹⁵ Siria tropakunañataqmi Israel tropakunapa vencesqan kasqankuta qawakuykuspanku kasqallan huñunakururqaku.

¹⁶ Hadad-ezermi Eufra-tes mayupa waklaw chimpanpi kaq Siria tropakunata qayachimurqa, hinap-tinmi paykuna Helam lawkama hamurqaku. Hadad-ezerpa llapa tropankunata kamachiq Sobacmi paykunata kamachir-qa.

¹⁷ Chayta Davidman willaykuptinkum Israel tropakunata huñu-ruspan Jordán mayuta chimparuspa Helam llaqtaman chayarurqa. Chaypim Siria tropakuna Davidpa tropankunawan peleanankupaq kinrayninpaman churakururqaku.

¹⁸ Siria tropakunam ichaqa Israel tropakunamanta ayqekurqaku, chaymi David wañurachirqa Siria tropakunamanta carretawan peleaqkunamanta qanchis pachak soldadokunata, chakiwan riqkunatañataqmi tawa chunka waranqata. Siria tropakunapa kamachiqnin Sobacpas chaypim wañururqa.

¹⁹ Hadad-ezerpa yanapaqnin reykunam Israel tropakunapa vencerusqanta qawakuykuspanku Israel nacionwan hawkayayman yaykurqaku, hinaspam paykunataña servirqaku. Chaymantapunim Siria runakunaqa Amonpa mirayninkuna yanapayta manchakururqaku.