1~Crónicas 5 - CHUYA QELLQA La Biblia en Quechua de Ayacucho 2012

Rubenpa mirayninkunamanta

¹ Rubenqa Israelpa piwi churinmi karqa, ichaqa taytanpa uywanakuq masinwan puñurusqanraykum piwi churi kayninpa derechonqa wawqen Joseypa churinmanña qosqa karqa, chaynapim Rubenqa manaña piwi churipaqchu hapisqa karqa.

² Judañataqmi llapallan wawqenkunamanta aswan atiyniyuq rikuriruspan paykunapa kamachiqnin karqa. Chaywanpas Joseymanmi piwi churi kay derechoqa qosqa karqa.

³ Israelpa piwi churin Rubenpa churinkunam karqa: Hanoc, Falú, Hezrón hinaspa Carmi.

⁴ Joelpa mirayninkunam karqa: Semaías, Gog, Simei,

⁵ Micaía, Reaía, Baal,

⁶ hinaspa Beera, paymi karqa Rubén ayllupa kamachiqnin. Paytam Asiria nacionpa reynin Tiglat-pileser presota aparurqa.

⁷ Beerapa wawqenkunam ayllun-ayllun listasqa kasqankuman hina karqa: Jeiel, Zacarías,

⁸ hinaspa Azazpa churin Bela. Azazqa karqa Semapa churinmi, Semañataqmi Joelpa. Belaqa yacharqa Aroer llaqtapim, allpanmi karqa Nebo lawmanta qallarispa Baal-meón llaqtakama.

⁹ Intipa qespimunan lawmanñataqmi chayarqa Eufrates mayumanta qallariq chunniqkama, uywankuna Galaad allpapi llumpayta mirarusqanrayku.

¹⁰ Saulpa munaychakusqan tiempopim, Rubén ayllumanta kaqkuna Agarpa mirayninkunawan guerrapi kaspanku vencerurqaku, hinaspam Galaadpa intipa qespimunan lawninta hapikuykuspanku chaypi yacharqaku.

Gadpa mirayninmanta

¹¹ Gadpa mirayninkunam Rubén ayllupa yachasqanpa chimpanpi yacharqaku, Basán lawmanta qallaykuspa Salca llaqtakama.

¹² Kamachiqninkum karqa Joel, Safán, Jaanai hinaspa Safat.

¹³ Wawqenkunam taytankumanta ayllunkuman hina karqa: Micael, Me-sulam, Seba, Jorai, Jacán, Zía hinaspa Heber. Llapallankum qanchis karqaku.

¹⁴ Kaykunam karqa Huripa churin Abihailpa churinkuna. Huriqa karqa Jaroapa churinmi, Jaroañataqmi Galaadpa, Galaadñataqmi Micaelpa, Micaelñataqmi Jesisaipa, Jesisaiñataqmi Jahdopa, Jahdoñataqmi Buzpa.

¹⁵ Kamachiqninkum karqa Abdielpa churin Ahí. Abdielqa karqa Gunipa churinmi.

¹⁶ Paykunam Galaad lawpi, Basán lawpi, taksa llaqtakunapi hinaspa Saronpa llapallan pastoyuq echaderonkunakama yacharqaku.

¹⁷ Kay llapallankum mirayninkuman hina listasqa karqaku, Judá nacionpi rey Jotam munaychakuchkaptin, Israel nacionpiñataq rey Jeroboam munaychakuchkaptin.

Agarpa mirayninkunata vencesqankumanta

¹⁸ Rubén ayllumanta, Gad ayllumanta hi-naspa Manasespa wakin ayllumanta kaqku-nam llapallanku karqaku tawa chunka tawayuq waranqa qanchis pachak soqta chunka allinnin qari-qari soldadokuna. Paykunaqa escudowan, espadawan, flechawan allin peleaqkunam karqaku.

¹⁹ Paykunam Agarpa contranpi, Jeturpa contranpi, Nafispa contranpi hinaspa Nodabpa contranpi pelearqaku.

²⁰ Paykunam peleachkaspanku Diosta mañakurqaku, chaymi Diosman hapipakusqankurayku yanapaptin, Agarta yanapaqninkunatawan kuskata vencerurqaku.

²¹ Hinaspam enemigonkupa animalninkuta apakurqaku, pichqa chunka waranqa camellokunata, iskay pachak pichqa chunka waranqa ovejakunata, iskay waranqa asnokunata. Aparqakutaqmi pachak waranqa runakunatapas.

²² Ene-migonkuqa nana-nanaqmi wañururqaku, Tayta Dios peleasqanrayku. Chaynapim paykunaña chaypi yacharqaku preso apasqa kasqankukama.

²³ Manasespa wakin ayllumanta kaq-kunam anchata mirarurqaku, hinaspam Basán lawmanta qallarispa Baal-hermón llaqtakama, Senir lawkama hinaspa Hermón orqokama yacharqaku.

²⁴ Taytamanta ayllunkuman hina kamachikuqkunam karqaku: Efer, Isi, Eliel, Azriel, Jeremías, Hodavías hinaspa Jahdiel, paykunaqa allinnin qari-qari, ancha reqsisqa hinaspa ayllunkupi kamachikuqkunam karqaku.

²⁵ Ichaqa ñawpaq taytankupa yupaychasqan Diosmanta sapaqchakuruspankum chuchumika warmi hina, qayllankumanta Tayta Diospa chinkachisqan llaqtakunapa diosninkutaña yupaycharqaku.

²⁶ Chayraykum Israelpa Diosninqa, Asiria nacionpa reynin Pulta paykunapa contranpi kachamurqa. Pulpa huknin sutinqa karqa Tiglat-pilesermi. Paymi Rubén aylluta, Gad aylluta hinaspa Manasespa wakin ayllunta presota aparurqa Halah lawman, Habor lawman, Hara lawman hinaspa Gozán mayu lawman, chaypim kunankamapas yachachkanku.