1~Crónicas 25 - CHUYA QELLQA La Biblia en Quechua de Ayacucho 2012

Tocaqkunamantawan takiqkunamanta

¹ Davidwan tropanpa capitan nin-kunam musicawan encargakunankupaq akllarqaku Asafpa, Hemanpa hinaspa Jedutunpa churinkunata, paykunam arpakunata, platillokunata hinaspa salteriokunata tocaspa profetizarqaku. Chay ministeriopaq akllasqa runakunam kaykuna.

² Asafpa churinkunamantam karqa: Zacur, José, Netanías hinaspa Asarela. Taytanku Asafmi directorninku karqa, paymi rey Davidpa kamachisqanman hina profetizarqa.

³ Jedutunpa churinkunamantam karqa: Gedalías, Zeri, Jesaías, Simei, Hasabías hinaspa Matatías. Taytanku Jedutunmi directorninku karqa, paymi arpapa compañasqan profetizarqa chaynapi Tayta Diosman graciasta qospa yupaychananpaq.

⁴ Hemanpa churinkunamantam karqa: Buquías, Matanías, Uziel, Sebuel, Jeremot, Hananías, Hanani, Eliata, Gidalti, Romanti-ezer, Josbecasa, Maloti, Hotir hinaspa Mahaziot.

⁵ Paykunam reypa profetan Hemanpa churinkuna karqaku, Tayta Diospa atiyninta hatunchanankupaq. Diosmi Hemanman qoykurqa chunka tawayuq qari churikunata hinaspa kimsa warmi churikunata.

⁶ Paykunam Tayta Diospa templonpi platillokunata, arpakunata hinaspa cimbalokunata tocaspa Tayta Diosta yupaycharqaku, taytanku Hemanmi directorninku karqa. Asafwan Jedutún hinaspa Hemanqa kikin reypa kamachisqanmi karqaku.

⁷ Música tocaqkunawan takiqkunaqa llapallankum iskay pachak pusaq chunka pusaqniyuq karqaku.

⁸ Paykunam turnonpi servikunankupaq sorteaspa rakinasqa karqaku, warma kaspapas otaq hatun kaspapas, tocay yachaqña kaspapas otaq chayllaraq yachapakuq kaspapas.

⁹ Sorteasqankuman hinam tuparurqa: Puntata Asafpa miraynin Joseyman, iskay kaqpiñataq Gedaliasman,

¹⁰ kimsa kaqpiñataq Zacurman,

¹¹ tawa kaqpiñataq Izriman,

¹² pichqa kaqpiñataq Netaniasman,

¹³ soqta kaqpiñataq Buquiasman,

¹⁴ qanchis kaqpiñataq Jesarelaman,

¹⁵ pusaq kaqpiñataq Jesahiasman,

¹⁶ Isqon kaqpiñataq Mataniasman,

¹⁷ chunka kaqpiñataq Simeiman,

¹⁸ chunka hukniyuqpiñataq Azareelman,

¹⁹ chunka iskayniyuqpiñataq Hasabiasman,

²⁰ chunka kimsayuqpiñataq Subaelman,

²¹ chunka tawayuqpiñataq Matatiasman,

²² chunka pichqayuqpiñataq Jeremotman,

²³ chunka soqtayuqpiñataq Hananiasman,

²⁴ chunka qanchisniyuqpiñataq Josbecasaman,

²⁵ chunka pusaqniyuqpiñataq Hananiman,

²⁶ chunka isqonniyuqpiñataq Malotiman,

²⁷ iskay chunkapiñataq Eliataman,

²⁸ iskay chunka hukniyuqpiñataq Hotirman,

²⁹ iskay chunka iskayniyuqpiñataq Gidaltiman,

³⁰ iskay chunka kimsayuqpiñataq Mahaziotman,

³¹ iskay chunka tawayuqpiñataqmi Romanti-ezerman. Paykunam churinkunapiwan hinaspa wawqenkunapiwan sapakama chunka iskayniyuqkama karqaku.