1~Corintios 8 - CHUYA QELLQA La Biblia en Quechua de Ayacucho 2012

Idolokunaman ofrecesqa mikuykunamanta

¹ Idolokunaman ofrecesqa mikuymantam tapumuwarqankichik, chaymantaqa llapallanchikmi asllatapas yachanchik, ichaqa yachayniyuq kayqa hatun tukuqtam ruwawanchik, kuyakuyñataqmi iñiyninchikpi wiñachiwanchik.

² Sichum pipas yachaysapapaqña hapikun, hinaspaqa manaraqmi imatapas yachanchu imaynam yachananta hinaqa.

³ Dios kuyaq runaqa Diospa reqsisqanmi.

⁴ Chaynaqa, idolokunaman ofrecesqa mikuymantaqa yachanchikmi, kay pacha-pi idolokunaqa manam imachu, Diosqa chullallam.

⁵ Hanaq pachapipas, kay pachapipas “dios” nisqankuqa kachkanmi, achkallaña dioskuna hinaspa señorkuna kachkaptinpas

⁶ ñoqanchikpa Diosninchikqa chullallam, payqa Dios Taytam. Paymi tukuy imata ruwar-qa, ñoqanchikpas paypaqmi kanchik. Señorqa chullallam, payqa Jesucristom, paywanmi tukuy imapas unanchasqa karqa, paywantaqmi ñoqanchikpas unanchasqa karqanchik.

⁷ Ichaqa manam lliwchu cheqap kaqta yachanku. Chaymi ñawpaqta idolokuna yupaychaqkunaqa hinallaraq mikunku chaykunata yupaychachkaq hina, chayna-pim pisi iñiyniyuq kasqankurayku conciencianku acusan.

⁸ Manam mikus-qanchikraykuchu Diosqa chaskiwanchik, manam mikusqanchikwanchu allin-qa kasunchik, nitaqmi mana mikusqanchikwanchu mana allinqa kasunchik.

⁹ Ichaqa waqaychakuychik, yanqataq libre kaynikichik huchallichinman pisi iñiyniyuq kaqkunata.

¹⁰ Sichum chaykunata yachachkaspa idolokunaman ofrecesqa mikuyta mikuwaq, hinaptinñataq chay ruwasqaykita qawaspan pisi iñiyniyuq wawqeki chay ruwasqaykiwan kallpanchakuspa mikurunman,

¹¹ chaynapim manaraq ancha iñiyniyuq wawqekiqa urmarunman yachachkaspa ruwasqaykirayku. Cristoqa paypaqmi wañurqa.

¹² Chaynaqa, pisi iñiy-niyuq wawqekunapa conciencianpa contranpi huchallikuspaqa, kikin Cristopa qayllanpim huchallikuchkankichik.

¹³ Sichum mikusqaywan wawqeyta huchallichinay kaptinqa, manachá haykapipas aychata mikusaqchu, chaynapi wawqeyta mana huchallichinaypaq.