1~Corintios 4 - CHUYA QELLQA La Biblia en Quechua de Ayacucho 2012

Apostolkunapa llamkasqanmanta

¹ Ñoqaykutaqa Cristopa yanapaqninta hinallayá qawawayku. Ñoqaykuqa Diospa pakasqan kaqkunata nanachikuq mayordomollanmi kaniku.

² Allin mayordomoqa patronpa kamachisqantam cumplin.

³ Ñoqataqa manam imapas qokuwanchu qamkuna juzgawaynikichikpas otaq juezpa juzgasqan kaypas, nitaqmi kikiypas juzgakunichu.

⁴ Concienciayña chuya kaptinpas manam mana huchayuqchu kani, ichaqa Señormi ñoqataqa juzgawanqa.

⁵ Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

⁶ Wawqe-panikuna, qamkunapa allinnikichikpaqmi kaykunata qellqamuykichik, ñoqatawan Apolosta ejemplopaq churaspay, chaynapi Qellqapa nisqanman hinalla yachachinaykichikpaq hinaspa ama mayqannikichikpas hukninman sayapakuspa huknintañataq alabanaykichikpaq.

⁷ Chaynaqa, ¿pitaq wakinmanta allin reqsisqa kanaykipaq ruwasurqanki? ¿Imataq Diospa mana qosusqayki? Pay qochkasuptikiqa, ¿imanasqataq mana chaskiq hinaqa alabakunki?

⁸ Qamkunaqa saksasqañam kachkankichik, apuyarunkichikñam kanpas, mana ñoqallaykuwanmi munaychakuchkankichikña. ¡Amalaya reyña kawaq-chik ñoqaykupas qamkunawan kuska reyña kanaykupaq!

⁹ Piensasqayman hinaqa ñoqayku apostolkunataqa Diosmi qepamanña churaruwanku, chaymi wañuypaq sentenciasqa hinaña kachkaniku. Chaymi runakunapaqpas hinaspa angelkunapaqpas kay pachapi qawakuwanankupaq kachkaniku.

¹⁰ Ñoqaykuqa Cristoraykum mana yachayniyuqpaq hapisqa kaniku, qamkunam ichaqa Cristopi yachayniyuq kankichik. Ñoqaykutaqa mana kallpayuqpaqmi hapiwanku, qamkunam ichaqa kallpasapa kachkankichik. Runakunam qamkunata res-petasunkichik, ñoqaykutañataqmi despreciawanku.

¹¹ Kunankamam yar-qaymanta, yakumanta, mana pachayuq hinaspa runakunapa maqasqan ñakarichkaniku, wasiykupas manam kanchu.

¹² Makiykuwan llamkaspam llumpayta pisipaniku, runakunam insultawanku, ñoqaykunañataqmi bendeciniku; qatikachawaptinkupas aguantanikum.

¹³ Mana allintam ñoqaykumanta rimanku, ñoqaykum ichaqa kuyakuyllawan kutipakuniku, kunankamam kay pachapi millakuypaq wanuta hina qawawanku.

¹⁴ Manam kaykunataqa qellqamuykichik penqachinaypaqchu aswanqa kuyasqay churiykunaman hina consejanaypaqmi.

¹⁵ Cristomanta chunka waranqaña yachachiqnikichik kaptinpas manam achkachu taytaykichikqa, Cristo Jesus-manta allin noticiata willaspa payman iñichisqayraykum ñoqaqa taytaykichik hina kani.

¹⁶ Chaymi ruegakuykichik imam ruwasqayta hina ruwanaykichikpaq.

¹⁷ Chayraykum kachamuchkaykichik Señorpi allin takyaq kuyasqa churiy Timoteota, paymi yuyarichisunkichik imaynam Cristopi kawsasqayta hinaspa imaynam tukuy hinastinpi iñiqku-nata watukuspay yachachisqayta.

¹⁸ Wa-kiqnikichikmi qari tukuqllaña riku-rirunkichik, yaqapas manaña qamkunaman chayaramunayta piensaspaykichik.

¹⁹ Chaywanpas Señor munaptinqa chayllam hamurusaq qawaykuqnikichik, hinaspam yachasaq chay qari tukuq runakunapa imam rimasqankuta.

²⁰ Diospa munaychakuyninqa manam rimayllachu, aswanqa Diospa atiyninmi.

²¹ ¿Imatataq munankichik? ¿Qamkunaman rispay azotewan hamunaytachu? Icha ¿Kuyakuywan sumaq sonqolla hamunaytachu?