1~Corintios 16 - CHUYA QELLQA La Biblia en Quechua de Ayacucho 2012

Iñiqkunapaq ofrendamanta

¹ Galacia lawpi iglesiakunaman kamachisqaypi hinayá wawqe-panikunapaq ofrendaykichikta huñuychik.

² Sapakamayá ganasqaykichikman hina sapa domingo ofrendaykichikta huñuychik, chaynapi chayamuptiyraq ama huñuchkanaykichikpaq.

³ Chayamuspayñataqmi ofrendaykichiktaqa cartantinta akllasqaykichik runakunawan Jerusalén llaqtaman apachisaq.

⁴ Rinay kaptinqa ichaya ñoqapiwanpas rirusaqku.

Pablopa riy munasqanmanta

⁵ Hamuspayqa Macedonia lawninta muyuramuspam qamkunaman chaya-musaq.

⁶ Yaqachusmi qamkunawan unayniqta kariyman, ichaya karuyman tukuy poqoy tiempopas, chaynapi mayta rinaypaqpas yanapaykuwanay-kichikpaq.

⁷ Manam pasadalla qaway-kuytaqa munanichu, Señorninchik munaptinqa qamkunawan unay kaytam munani.

⁸ Ichaqa Éfeso llaqtapim Pentecostés fiestakama kasaq.

⁹ Contrapiña achka kachkaptinkupas Señormanta aswan masta willakunaypaqmi punku kichakuykun.

¹⁰ Timoteo chayamusuptikichikqa allinllatam atiendeykunkichik, paypas ñoqa hinam Señorpa obranpi allinta llamkan.

¹¹ Chaynaqa, amayá pipas mana kaqpaqqa hapichunchu, yanapaykuspayá allinllata ñoqaman kutirichimuychik, wakin wawqeku-napiwanmi paytaqa suyachkaniku.

¹² Iñiqmasinchik Apolostaqa ruegarqanim wawqekunawan qamkunaman hamunanpaq, aswanqa manaraqmi hamuyta munarqachu, payqa tiempon kaptinñas hamunqa.

Saludokunamanta

¹³ Rikchan-rikchanllayá kaychik, iñiynikichikpi qaqa hina sayaychik, qarinchakuspayá allinta kallpan-chakuychik.

¹⁴ Kuyakuywanyá tukuy imatapas ruwaychik.

¹⁵ Wawqe-paniykuna yachankichikmi, Estefanasqa wasinpi kaqkunapiwanmi Acaya lawpi puntallataraq Cristoman iñikurqaku, hinaspam iñiqkunata tukuy sonqowan servichkanku.

¹⁶ Ruegakuy-kichikmi paykuna hina llapa yanapakuqkunata hinaspa llamkaqkunatapas kasukunaykichikta.

¹⁷ Llumpaytam kusikuni Estefanaspa, Fortunatopa chayna-taq Ahaicopa hamusqanmanta, paykunam rantikichikpi yanapawarqaku.

¹⁸ Paykunam sonqoyta kallpanchawarqa, chaynallataqmi qamkunatapas kallpanchasurqankichik, paykunapaqyá reqsikuynikichik kachun.

¹⁹ Asia lawpi iglesiakunam rimaykamusunkichik, Aquilawan Priscilapas wasinpi huñunakuq iñiqkunapiwanmi Señorpa sutinpi rimaykamusunkichik.

²⁰ Llapallan wawqe-panikunam rimaykamusunkichik. Lliwyá chuya muchakuywan huknikichikmanta huknikichikkama rimaykanakuychik.

²¹ Ñoqa Pablom kikiypuni qellqamuspay rimaykamuykichik.

²² Pipas Señor Jesucristota mana kuyaqqa ñakasqayá kachun. ¡Maranatha!

²³ Señor Jesucristopa kuyakuyninyá qamkunapi kachun.

²⁴ Llapallaykichiktam kuyaykichik Jesucristopa kuyakuyninwan. Amén.