Salmos 82 - Chuya Qellqa 1992

Juezkunata Tayta Dios qaqchasqanmanta

Diosman Asafpa takisqan

¹ Diosmi cielopi hatun huñunakuypi sayachkan, payqa dioskunata sentenciaspam kaynata nin:

² ¿Haykapikamataq mana allinllata juzgankichik? ¿Haykapikamataq mana allin runakunallaman sayapakunkichik?

³ Mana piniyuqkunatawan wakchakunata nanachikuychik, ñakariqkunapaqwan wakchakunapaq allin arreglota ruwaychik.

⁴ Wakchatawan pisi kallpayuqta millay runakunamanta libraychik.

⁵ Qamkunaqa manam yachankichikchu, nitaqmi yuyaymanankichikchu, tutayaypim purichkankichik; chayraykum kay pachapas katkatatanraq.

⁶ Ñoqam nirqani: Qamkunaqa dioskunam kankichik, llapallaykichikmi tukuy imapa hawanpi munaychakuq Diospa churinkuna kankichik.

⁷ Chaywanpas runakuna hinam wañunkichik, wakin kamachikuqkuna hinam chinkankichik, nispa.

⁸ Diosnilláy, hatarispayki kay pachapi runakunata juzgay, llapa nacionkunaqa qamllapam.