Salmos 54 - Chuya Qellqa 1992

Enemigonkunamanta waqaychananpaq Diosta mañakusqanmanta

Zif llaqtayuqkuna allpankupi pakakusqanmanta Saulman willaykuptinku Davidpa takisqan

¹ Dios Taytalláy, sutillaykirayku salvaykullaway, atiynikiwan harkaykullaway.

² Dios Taytalláy, mañakusqayta uyariykullaway, qayakamusqayta uyariykullaway.

³ Qari tukuq runakunam contraypi hatarirunku, mana llakipayakuqkunam wañuchiyta munawanku, paykunaqa Diostapas manam kaqpaqpas hapinkuchu.

⁴ Chaywanpas Tayta Diosmi yanapaqniyqa, Señorniymi uywawaspa kawsachiqniyqa.

⁵ Paymi enemigoykunaman mana allin ruwasqanman hina kutichipunqa; Señorlláy, cheqap kasqaykirayku paykunata chinkarachiy.

⁶ Dios Taytalláy, sacrificiotapas tukuy sonqoymantam qosqayki ancha allin kasqaykiraykum sutikita yupaychasaq.

⁷ Tukuy sasachakuyniymantam hurqoykuwanki, enemigoykuna puchukasqantam rikuykachiwanki.